Йокс 30 мл спрей для горла

Сипаттама

Дәрілік затты медициналық қолдану

жөніндегі нұсқаулық

Йокс

Препараттың саудалық атауы

Йокс

Халықаралық патенттелмеген атауы

Жоқ

Дәрілік түрі

Спрей

Құрамы

30 мл ерітіндінің құрамында

белсенді заттар: 0,085 г повидон йод, 0,001 г аллантоин,

қосымша заттар: левоментол, лимон қышқылының моногидраты, натрий цитраты дигидраты, 96% этил спирті, пропиленгликоль, тазартылған су.

Сипаттамасы

Сумен араласуы шектеусіз, аздап бозаңданатын қызыл-қоңыр түсті мөлдір сұйықтық.

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер.

АТХ коды R02AA

Фармакологиялық қасиеттері

Фармакокинетикасы

Повидон-йодын зақымданбаған теріге және шырышты қабыққа жергілікті қолдану кезінде йодтың сіңірілуі өте төмен. Йод организмде йодидке айналады, ол негізінен қалқанша безде жинақталады. Қалқанша безімен қамтылмаған йодидтер негізінен несеппен, аздаған мөлшері – нәжіспен, сілекеймен, термен бөлінеді. Олар плацентарлық бөгет арқылы өтеді және ана сүтіне енеді.

Фармакодинамикасы

Повидон-йод терімен және шырышты жарғақшалармен жанасқан кезде бактерияларға, зеңдерге, вирустарға, қарапайымдарға қатысты микробқа қарсы кең ауқымды әсерге ие органикалық йод босап шығады. Сондай-ақ препараттың құрамында қабынуға қарсы әсер ететін аллантоин бар.

Қолданылуы

• баспа, фарингиттер, тонзилофарингиттер, тонзиллиттер, глоссит, афтозды стоматит
• тыныс алу жолдарына және ауыз қуысына операциядан кейінгі кезеңде және хирургиялық араласуға пациенттерді даярлауда
• химиотерапия кезінде туындаған ауыз қуысы инфекцияларын емдеу үшін
• стрептококкты баспада антибиотиктермен емдеу кезінде қосымша ем ретінде
• продрома кезеңінде тұмауратқан жай-күйде

Қолдану тәсілі және дозалары

Ересектер және 8 жастан асқан балалар

Қорғағыш қалпақшасын шешіп, аппликаторды қондырыңыз. Ерітінді бүріккішке жету үшін аппликаторды 2-3 рет басыңыз және басқанкезде ол шашырауы тиіс. Содан соң ауыз қуысына 2-3 см-ге аппликатор түтігін кіргізіп, дем алмай және бір бүрку оң жаққажәне екіншісі сол жаққа бүркемелену үшін қалпақшаны 1-3 рет басу керек. Ауыз қуысының оң жағына және сол жағына және жұтқыншаққа бір рет бүркемелеу үшін Йокс спрей препаратын күніне 2-4 рет пайдалану ұсынылады. Препараттың әр аппликациясының аралығы 4 сағаттан кем болмау керек. Қажет болған жағдайда препаратты жиірек қолдануға болады. Бүркілген препараттыішке тартпау және жұтпау керек!

Тәулігіне препаратты ең көп дегенде 6 рет қолдануға болады, емдеу курсы 5-7 күн.

Аппликаторды қолданардың алдында және кейіннен ыстық сумен шаю керек.

Жағымсыз әсерлері

- йодқа аллергиялық реакция (қышыну, гиперемия, есекжем)

- сирек: аппликация жасалған жерде қысқа уақыт шымылдатуды немесе ауыз қуысының құрғауын сезіну

- йодизм белгісі (ұзақ уақыт қолданған кезде): ауыздағы металл дәмі, сілекейдің көп бөлінуі, көздің немесе жұтқыншақтың ісінуі, өкпенің ісінуі, тері бөртпесі және асқазан-ішек жолының бұзылуы

- өте сирек: анафилактикалық шок.

Қолдануға болмайтын жағдайлар

• йодқа немесе препараттың басқа компоненттеріне жоғары сезімталдық
• қалқанша без гиперфункциясы
• қалпына келмейтін жүрек жеткіліксіздігі
• жүктілік және емшек емізу кезеңі
• 8 жасқа дейінгі балалар
• радиоактивті йодпен бір мезгілде қолдану
• герпес тәрізді Дюринг дерматиті

Дәрілермен өзара әрекеттесуі

Йокс препаратын ауыз қуысы мен жұтқыншақта жергілікті қолдануға арналған басқа да антисептикалық дәрілермен бір мезгілде қолданбаған дұрыс.

Айрықша нұсқаулар

Ларингит кезінде препарат өте қажет жағдайда ғана қолданылады. Бауыр жеткіліксіздігі, бүйрек жеткіліксіздігі бар пациенттерге препаратты сақтықпен қолдану керек, мұндай науқастарда трансаминаза деңгейі жоғарылауы мүмкін, сондықтан қан плазмасындағы трансаминаза көрсеткіштерін бақылау керек. .

Препарат кұрамында 18,6% этанол бар.

Препараттың автокөлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: ауызда металл дәмін сезіну, құсу, асқазан тұсының ауыруы және диарея. 1-2 күн бойы анурия, асфиксияға дейін апаратын дыбыс шығару саңылауының ісінуі, аспирациялық пневмония немесе өкпенің ісінуі пайда болуы мүмкін. Кейбір жағдайларда тамыр жеткіліксіздігі туындауы мүмкін.

Емі:симптоматикалық ем жүргізіледі. Арнайы антидоты жоқ.

Шығарылу түрі және қаптамасы

Спрей. Бүріккішті қорғайтын қақпақпен және механикалық бүріккішпен жабдықталған пластмасса құтыда препарат 30 мл-ден. Әр құты аппликатормен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтаушарттары

25 ⁰С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Босатылу шарттары

Рецептісіз

Өндіруші

«Тева Чех Өндірістері с.р.о.», Опава, Комаров, Чех Республикасы

Тіркеу куәлігінің ұстаушысы

«Тева Чех Өндірістері с.р.о.», Опава, Комаров, Чех Республикасы

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғылы 17/1, Нұрлы тау БО, 5Б, 6 қабат. Телефон: (727)3251615; е-mail: safety.kazakhstan@tevapharm.com; веб сайт: www.teva.kz

Дәріханалар

Қалалар