Сипаттама
Дәрілік препаратты медициналық қолдану жөніндегі нұсқаулық
Саудалық атауы
Пирантел
Халықаралық патенттелмеген атауы
Пирантел
Дәрілік түрі, дозалануы
Ішуге арналған суспензия, 250 мг/5мл
Фармакотерапиялық тобы
Паразиттерге қарсы препараттар, инсектицидтер және репелленттер. Гельминттерге қарсы препараттар. Нематодозды емдеуге арналған препараттар. Тетрагидропиримидин туындылары. Пирантел.
АТХ коды Р02СС01
Қолданылуы
- энтеробиоз
- аскаридоз
- анкилостомоз
- некатороз
Қолданудың басталуына дейінгі қажетті мәліметтер тізбесі
Қолдануға болмайтын жағдайлар
- препараттың компоненттеріне жоғары сезімталдық
- пиперазинді бір мезгілде қолдану
- миастения (емдеу кезеңі)
- сирек тұқым қуалайтын фруктоза жақпаушылығы
- емшек емізу кезеңі
Қолдану кезінде қажетті сақтық шаралары
2 жасқа дейінгі балаларда, анемия болғанда, әлсіреген науқастарда, сондай-ақ бауыр функциясының бұзылуы (аспартаттрансaминаза деңгейінің уақытша жоғарылауын туындатады) болғанда сақтықпен қолдану керек.
Басқа дәрілікпрепараттармен өзара әрекеттесуі
Қан плазмасындағы теофиллин концентрациясын арттыруы мүмкін. Пирантел пиперазинмен бір мезгілде қолданылмауы тиіс, себебі бұл препараттар антагонистер болып табылады.
Арнайы сақтандырулар
Энтеробиозды емдеу кезінде барлық бірге тұратын тұлғалар бір мезгілде емделуі тиіс. Гигиенаны мұқият сақтау (тұрғын орын-жайларды жинау және гельминттер жұмыртқаларын жою үшін киімді тазалау) реинфекция профилактикасы болып табылады.
Жүктілік немесе лактация кезінде
Жануарларға жүргізілген зерттеулер пирантелдің ұрыққа теріс әсерін анықтаған жоқ. Алайда, жүктілік кезеңінде пирантелді қолдану бойынша бақыланатын зерттеулердің болмауы салдарынан, егер ана үшін болжамды пайдасы шарана үшін ықтимал қауіптен жоғары болса ғана, препаратты жүкті әйелдерге тағайындау керек.
Препараттың көлік құралын немесе қауіптілігі зор механизмдердібасқару қабілетіне әсер ету ерекшеліктері
Препараттың көлік құралдарын жүргізу және механикалық жабдықтарға қызмет көрсету қабілетіне әсеріне зерттеу жүргізілген жоқ.
Қолдану жөніндегі нұсқаулар
Дозалану режимі
Энтеробиозда және аскаридозда (сондай-ақ осы паразиттермен аралас инвазияларда): ересектерге және балаларға – дене салмағына 10 мг/кг есептегенде, бір рет.
Пациенттің жасы мен дене салмағына байланысты мынадай дозалар қолданылады:
| Пациенттің жасы | мл | Препараттың дозасы, мг |
| Балалар: 6 айдан 2 жасқа дейін | 2,5 мл | 125 мг |
| 2-ден 6 жасқа дейін | 5,0 мл | 250 мг |
| 6-дан 12 жасқа дейін | 10,0 мл | 500 мг |
| 12 жастан асқандар және дене салмағы 75 кг-ге дейінгі ересектер | 15,0 мл | 750 мг |
| дене салмағы 75 кг-де астам ересектер | 20,0 мл | 1000 мг |
Аскаридозда
5 мг пирантел 1 кг дене салмағына, бір рет.
Анкилостомоз кезінде емдеу ұзаққа созылады:
Тәулігіне 10 мг/кг дене салмағына 3 күн бойы немесе тәулігіне 20 мг/кг дене салмағына 2 күн бойы, бір рет.
5 мл суспензия (1 өлшем) – құрамында 250 мг пирантел бар.
Энтеробиозда емдеуге бүкіл отбасы ұшырайды.
Енгізу әдісі және жолы
Ішке тамақтану кезінде немесе тамақтанудан кейін.
Препаратты қабылдар алдында құтының ішіндегісін бірнеше рет шайқау керек.
Іш жүргізетін дәрілерді қабылдаудың қажеті жоқ.
Емдеу ұзақтығы
Қолданғаннан кейін 14 күн өткен соң бақылаушы паразитологиялық зерттеулер міндетті түрде жүргізу керек.
Артық дозалану жағдайында қабылдау қажет болатын шаралар
Симптомдары: көрудің бұзылуы, бағдарсыздану, бас айналуы, естен тану немесе жатқан немесе отырған орнынан көтерілу кезінде бас айналу сезімі, тершеңдік, бұрын байқалмаған шаршау немесе әлсіздік сезімі, тұрақсыз пульс, бұлшықет түйілуі, тремор және әлсіздік, жүдеу, асфиксия (тыныс алудың қиындауы, естен тану).
Емі: спецификалық антидоты жоқ. Артық дозаланғанда симптоматикалық және демеуші шараларды қолдану керек: асқазанды шаю, іш жүргізетін дәрілерді қолдану, тыныс алу жолдарының өткізгіштігін қамтамасыз ету және тыныс алуды демеу, артериялық қысымның деңгейін демеу.
Дәрілік препараттың бір немесе бірнеше дозасын жіберіп алғанда қажетті шаралар
Препараттың кезекті дозасын жіберіп алған кезде оны мүмкіндігінше тезірек қабылдау керек. Егер кезекті дозаны қабылдауға аз уақыт қалса, оны жоспарланған уақытта қабылдау керек. Жіберіп алған дозаны өтеу үшін препараттың қосарлы дозасын қабылдамаған жөн.
Дәрілік препаратты қолданар алдында дәрігердің немесе фармацевттің кеңесіне жүгініңіз.
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болғанда)
Сирек
- тәбеттің бұзылуы, жүрек айнуы,құсу, іштің ауыруы, диарея
- бас ауыруы, бас айналуы, ұйқышылдық, ұйқысыздық
- тері бөртпесі
- астения, бауыр энзимдері концентрациясының жоғарылауы
Өте сирек/Жекелеген жағдайда және т.б.
- тенезмдер, бағдарсызданумен елестеулер, парестезия, қалтырау, естудің бұзылуы
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препарат құрамы
Бір миллилитр суспензияның құрамында
белсенді зат – 50.000 мг пирантел (144.000 мг пирантел эмбонаты түрінде),
қосымша заттар: натрий бензоаты, карбоксилденген метилцеллюлозаныңнатрий тұзы, 70 % сорбитол, глицерин, магний-алюминий силикаты, полисорбат-80, повидон, симетикон эмульсиясы, лимон қышқылы моногидраты, натрий гидроксиді, өрік хош иістендіргіші, тазартылған су.
Сыртқы түрінің сипаттамасы
Өзіне тән иісі бар, ашық-сары түсті суспензия.
Сұйық қабатқа және шөгіндіге бөлінуіне жол беріледі, оны шайқағаннанкейін біртекті суспензия түзіледі.
Шығарылу түрі және қаптамасы
15 мл препараттан полиэтиленнен жасалған қақпағы бар қоңыр немесе қызғылт сары шыны құтыға салынған.
Шкалаға бөлінген өлшемі бар 1 құты қолданылуы жөніндегі қазақ және орыс тіліндегі нұсқаулықпен бірге картон қорапқа салынады.
Сақтау мерзімі
3 жыл
Ашылған құтыны 21 күннің ішінде пайдалану керек.
Жарамдылық мерзімі өткеннен кейін қолдануға болмайды.
Сақтау шарттары
25°С-ден аспайтын температурада сақтау керек. Жарықтан қорғау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы.
Өндіруші туралы мәліметтер
«Медана Фарма» АҚ
98-200 Серадз, В. Локетка к-сі 10
Польша
Телефон нөмірі: +48 43 829 92 00
Факс нөмірі: ++48 43 829 92 05
Электронды пошта: phv@polpharma.com
Тіркеу куәлігінің ұстаушысы
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610151)
Автожауапбергіш нөмірі +7 7252 (561342)
Электронды поштасы complaints@santo.kz
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610151)
Автожауапбергіш нөмірі +7 7252 (561342)
Электронды пошта complaints@santo.kz, phv@santo.kz,
infomed@santo.kz
