Сипаттама
Дәрілік затты медициналық қолдану
жөніндегі нұсқаулық
ГЕЛЬМИНТОКС
Саудалық атауы
Гельминтокс
Халықаралық патенттелмеген атауы
Пирантел
Дәрілік түрі
Ішуге арналған суспензия 125 мг/2.5 мл, 15 мл
Құрамы
100 мл суспензияның құрамында
белсенді зат - 14,42 г пирантел эмбонаты (5,0 г пирантелге шаққанда)
қосымша заттар: сұйық кристалданатын сорбитол, глицерин, полисорбат 80, соя лецитині, повидон, сусыз лимон қышқылы, натрий бензоаты (Е 211), силиконды эмульсия, қара қарақат/карамель хош иістендіргіші (ванилин, диацетил қоспасының 7% (көлемге көлем) ерітіндісі, бензой альдегиді, лактондар, ионондар, ішінара детерпенделген лимон эфир майы, қара қарақат бүршіктерінен және пропиленгликольде қара қарақат алколятынан алынған сығынды), алюминий және магний силикаты, тазартылған су
Сипаттамасы
Қара қарақат пен карамельге тән иісі бар, ақшыл-сары түсті гомогенді суспензия. Шөгінді түсуі байқалуы мүмкін. Қолмен шайқағанда бөлшектер суспензияға қайтадан жеңіл ауысады.
Фармакотерапиялық тобы
Гельминтке қарсы препараттар. Нематодозды емдеуге арналған препараттар.Тетрагидропиримидин туындылары. Пирантел.
АТХ коды Р02СС01
Фармакологиялық қасиеттері
Фармакокинетикасы
Асқазан-ішек жолынан іс жүзінде сіңбейді. Дене салмағына 10 – 12 мг/кг бір реттік қабылдаудан кейін қан плазмасында пирантелдің концентрациясы 1-3 сағат бойы 0.05-0.13 мкг/мл құрайды. Бауырда N-метил-1,3-пропанедиаминге дейін ішінара метаболизденеді. Ішек арқылы (50% жуық) өзгермеген күйде, бүйрекпен (7 % аздау)- өзгермеген күйде немесе метаболит түрінде шығарылады.
Фармакодинамикасы
Гельминтке қарсы препарат, оған сезімтал гельминттердің жүйке-бұлшықет блокадасын туындатады және зақымданған құрттардың көшуін қоздырусыз және көтермелеусіз олардың аластатуын қамтамасыз етеді. Ішек саңылауында жетілген және жетілмеген сезімтал гельминттердің екі жынысына да қарсы тиімді.
Острицалар (Enterobius vermicularis), аскаридалар (Ascaris lumbricoides), анкилостомалар (Ankylostoma duodenale және Necator americanus) тудыратын инвазияға қарсы тиімді.
Қолданылуы
- аскаридозда
- энтеробиозда (острицалардың жұғуы)
- анкилостомозда
Қолдану тәсілі және дозасы
Ішке. Суспензия балаларға туғаннан бастап және ересектерге ұсынылады. Суспензияны қолданар алдында шайқау керек.
1 мл суспензияның құрамында 50 мг пирантел бар, 1 өлшеуіш қасық - 2.5 мл құрамында 125 мг пирантел болады.
Гельминтоксты алдын ала іш жүргізетін дәрілер қабылдамастан, тәуліктің кез келген уақытында қабылдауға болады, ашқарынға қабылдау міндетті емес.
Энтеробиоз және аскаридоз (сондай-ақ осы паразиттермен араласқан инвазиялар кезінде): препаратты ұсынылған дозада дене салмағына 10 мг/кг есебінен бір рет тағайындайды.
Пациенттің жасы мен дене салмағына байланысты төмендегі дозалар қолданылады:
- 6 айдан бастап 2 жасқа дейінгі балаларға: 1 өлшеуіш қасық суспензия бір рет (125 мг);
- 2-ден 6 жасқа дейінгі балаларға: 2 өлшеуіш қасық суспензия бір рет (250 мг);
- 6-дан 12 жасқа дейінгі балаларға: 4 өлшеуіш қасық суспензия бір рет (500 мг);
- 12 жастан асқан балаларға және ересектерге
- салмағы 75 кг аспайтын: 6 өлшеуіш қасық бір рет (750 мг);
- салмағы 75 кг асатын: 8 өлшеуіш қасық суспензия бір рет (1000 мг).
Қайтадан жұқтырудың профилактикасында препарат қабылдауды 3 аптадан кейін қайталау ұсынылады.
Анкилостомидоздар: Эндемия аумағында, Necator americanus жұқтырған жағдайда немесе ауыр Ankylostoma duodenale жұқтырған жағдайда дозасы 3 күн бойы күніне 20 мг/кг (бір немесе екі қабылдауға) құрайды, яғни:
- 6 айдан бастап 12 жасқа дейінгі балаларға: әр 10 кг салмаққа күніне 2 өлшеуіш қасық суспензиядан (250 мг) 3 күн бойы;
- 12 жастан асқан балаларға және ересектерге:
- естудің бұзылуы, елестеулер, сананың шатасуы, парестезия
салмағы 75 кг аспайтын: күніне 12 өлшеуіш қасық суспензиядан (1.5 г) 3 күн бойы;
салмағы 75 кг асатын: күніне 16 өлшеуіш қасық суспензиядан (2.0 г) 3 күн бойы.
Эндемия аймағынан тыс Ankylostoma duodenale жұқтырғанжағдайда (анағұрлым жеңіл өтеді) бір қабылдауға 10 мг/кг дозада тағайындайды.
Жағымсыз әсерлері
Кейде - жүрек айну, құсу, іштің ауыруы, тенезмалар, түйілулер, диарея және тәбеттің болмауы (бұл симптомдар көбіне гельминттердің қырылуымен түсіндіріледі)
- тері бөртпесі, дене температурасының жоғарылауы
Сирек - бас ауыруы, бас айналуы, ұйқышылдық, ұйқысыздық, әлсіздік, шаршауды сезіну
- “бауыр” трансаминазалары белсенділігінің елеусіз қысқа мерзімді жоғарылауы
- мұрынның бітелуі
Жекелеген жағдайларда
Қолдануға болмайтын жағдайлар
- пирантелге және препараттың басқа компоненттеріне жоғары сезімталдық
- миастения (емдеу кезеңі)
- бауыр жеткіліксіздігі
- пиперазинді бір мезгілде қолдану
- 6 айға дейінгі балалар.
Дәрілермен өзара әрекеттесуі
Левамизолды, пиперазинді бір мезгілде тағайындау ұсынылмайды. Плазмадағы теофиллиннің концентрациясын жоғарылатады.
Айрықша нұсқаулар
2 жасқа дейінгі балаларға сақтықпен қолданады. Бауыр аурулары болған жағдайда дәрігерге ескерту қажет.
Қайталап жұқтыруды болдырмас үшін, тазалық ережелерін қатаң сақтау қажет: қолды жуу, тырнақтарды алу және тазалау, шат аймағын қасуға жол бермеу, төсек жабдықтарын және іш киімді күнделікті ауыстыру. Іш жүргізетін дәрілерді қолданудың қажеті жоқ.
Энтеробиозда барлық жанұя мүшелерін емдеу керек. Жұқтыру көбіне ешқандай симптомдармен байқалмауы мүмкін.
Емдеу аяқталғаннан кейін 14 күн өткен соң бақылау паразитологиялық зерттеуін жүргізу қажет.
Бұл препараттың құрамында сорбитол бар. Бұл препаратты фруктоза жақпаушылығымен (сирек тұқым қуалайтын ауру) зардап шегетін пациенттерге қолдану ұсынылмайды.
Жүктілік және лактация кезеңі
Жүктілік кезінде аса қажет жағдайда ғана, ұрық үшін пайдасы/қаупі арақатынасын дәрігер анықтайтын мұқият бағалаудан кейін қатаң көрсетілімдер бойынша қолдану және ұсынылған дозаларды қатаң ұстану керек. Егер емделу кезінде Сіз жүкті екеніңізді байқасаңыз, дәрігерге жүгініңіз, өйткені тек ол ғана емді жалғастыру қажеттілігі жөнінде мәселені шеше алады. Зерттелу жеткіліксіздігіне байланысты, қатаң қажеттілік жағдайды қоспағанда, препаратты бала емізу кезеңінде пайдалануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Жекелеген жағдайларда бас айналуы байқалауы мүмкін, сондықтан көлік құралдарын жүргізу және механикалық жабдықтармен қызмет көрсету кезінде сақ болған жөн.
Артық дозалануы
Сіңу жылдамдығы шамалы болғандықтан, плазмадағы концентрация төмен болып қала береді.
Симптомдары: анорексия, жүрек айну, құсу, диарея, астения, бас айналу, бас ауыру. Кейде артық дозалануы бауыр трансаминазалары (аспартатаминотрансферазалар) ұлғаюына әкеледі.
Емі: арнайы у қайтарғысы жоқ. Дереу асқазанды шаю, сондай-ақ тыныс алу және жүрек-қантамыр функциясына мониторинг ұсынылады.
Шығарылу түрi және қаптамасы
Суспензия 15 мл-ден қоңыр түсті құтыларда. Бір құты және сыйымдылығы 2,5 мл өлшеуіш қасықмедициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
Құрғақ, жарықтан қорғалған жерде, 25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілгенжарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
Тепение Фарма Индастри, Франция
Шығарылу сапасынбақылау
Иннотера Шузи, Рю Рене Шантеро, Шузи-Сюр-Сис, 41150 Валуар-сюр-Сис, Франция
Тіркеу куәлігінің иесі
ИннотекИнтернасиональ Зертханасы, Аркей, Франция
Қазақстан Республикасы аумағында тұтынушылардан өнім сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:
«ҚР-дағы Иннотек Интернасиональ С.А.С. Зертханалары» өкілдігі
050059, Қазақстан Республикасы, Алматы қ., Әл-Фараби д-лы, 17, «Нұрлы Тау» бизнес орталығы,4 Б блок, 606 кеңсе, тел./факс: +7-727-311-09-71, +7-727-311-09-72, электрондық пошта: innotech@innotech.kz
