Дәрі-дәрмектің мәртебесі: | OTC |
Атауы: | Панкрим® (Панкреатин) №20 таблеткалар |
Саудалық атауы: | |
Халықаралық патенттелмеген атауы: | |
Дәрілік түрі, дозалануы: | Ішекте еритін қабықпен қапталған таблеткалар |
Фармакотерапиялық тобы: | Ас қорыту жолы және зат алмасу. Ас қорытуға ықпал ететін препараттар, ферменттерді қоса. Ферменттік препараттар. Мультиферменттер (липаза, протеаза және т.б.).
АТХ коды А09AA02 |
Қолданылуы: | Ас қорыту бұзылыстарымен байланысты ұйқы безінің экзокриндік функциясының бұзылуы. Муковисцидоз кезінде ұйқы безі функциясының жеткіліксіздігін демеп отыру үшін. |
Қолданудың басталуына дейінгі қажетті мәліметтер тізбесі: | Қолдануға болмайтын жағдайлар
- шошқа панкреатиніне, шошқа ақуызына немесе қосымша заттарының кез келгеніне аса жоғары сезімталдық
- жедел панкреатит немесе өршу фазасындағы созылмалы панкреатит
- тұқым қуалайтын фруктоза жақпаушылығы, Lapp - лактаза ферментінің тапшылығы, глюкоза-галактоза мальабсорбциясы бар пациенттерге
Қолдану кезіндегі қажетті сақтандыру шаралары
Панкрим® препаратының құрамында белсенді ферменттер бар, олар ауыз қуысында босап шыққан кезде (мысалы, шайнау кезінде), шырышты қабықта ойық жараның түзілуі мүмкіндігімен зақымдануына алып келуі мүмкін. Сондықтан Панкрим® препаратын шайнамай, таблетканы тұтастай жұту керек.
Муковисцидоз кезінде панкреатиннің қажетті дозасы артттырылған жағдайда, илеоцекальді бөлікте және тоқ ішектің өрлемелі бөлігінде стриктуралар (фиброзды колонопатия) дамуы мүмкін.
Басқа дәрілік препараттармен өзара әрекеттесуі
Панкрим® препаратын қабылдағанда фолий қышқылы мен темірдің сіңуі азаюы мүмкін. Панкрим® препаратымен қатарлас қабылдағанда, диабетке қарсы пероральді препараттар акарбоза мен миглитолдың әсері төмендеуі мүмкін.
Арнайы сақтандырулар
Қосымша заттар
Панкрим® препаратының құрамында лактоза бар. Галактоза жақпаушылығының сирек тұқым қуалайтын бұзылулары, Лапп лактаза тапшылығы және глюкоза мен галактоза мальабсорбциясы синдромы бар науқастар бұл препаратты қабылдамағаны дұрыс.
Жүктілік немесе лактация кезеңі
Панкрим® препаратының жүкті әйелдерде қолданылуы жөнінде жеткілікті деректер жоқ. Жануарларға жүргізілген эксперименттерден алынған, жүктілік ағымына, эмбрионның/шарананың дамуына, туу немесе постнатальді дамуға қатысты деректер жеткіліксіз. Сондықтан адам үшін ықтимал қаупі белгісіз. Осыған байланысты жүктілік және лактация кезінде Панкрим® препаратын аса қажет болған жағдайлардан басқасында қабылдамаған дұрыс.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Ерекше сақтық шаралары талап етілмейді. |
Қолдану жөніндегі нұсқаулар: | Дозалану режимі Дозасы ас қорыту бұзылуының дәрежесіне байланысты жекелей анықталады. Тамақтанар алдында 1-2 таблеткадан. Қажет болған жағдайда қосымша, ас ішу кезінде тағы 2-4 таблеткасы қабылданады. Дене салмағының әр кг есебінен липазаның 15000-20000 ӘБ құрайтын ферменттерді тәуліктік дозасынан асырмаған жөн. Енгізу әдісі және жолы Ішке қабылдауға арналған Таблеткаларды шайнамайды және сумен ішеді. Емдеу ұзақтығы Панкрим® препаратымен емдеу ұзақтығы аурудың ағымына байланысты және емдеуші дәрігер белгілейді. Артық дозалану жағдайында қолдану қажет болатын шаралар Симптомдары Препараттың жағымсыз әсері күшеюі мүмкін, емдік дозасынан әлдеқайда артық дозалары гиперурикозурия мен гиперурикемияны тудыруы мүмкін. Емі Симптоматикалық. Препаратты тоқтату, сұйықтықты жеткілікті мөлшерде ішу, демеуші шаралар. Дәрілік препараттың бір немесе бірнеше дозасын жіберіп алған жағдайда қажетті шаралар Ұмытылып қалған дозаның орнын толтыру үшін екі есе дозасын қабылдамаңыз Тоқтату симптомдары қаупінің бар-жоқтығы жөніндегі нұсқау Қатысы жоқ Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолданбас бұрын дәрігердің немесе фармацевттің кеңесіне жүгініңіз. |
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар: | Өте сирек - жедел типті аллергиялық реакциялар - ұйқы бездерінен алынған ұнтақты қабылдағаннан кейінгі асқазан-ішек жолы тарапынан аллергиялық реакциялар (диарея, асқазан тарапынан бұзылулар және жүрек айнуы сияқты) - муковисцидозы бар пациенттерде ұйқы бездерінен алынған ұнтақтың жоғары дозасын тағайындағаннан кейін илеоцекальді аймақта және тоқ ішектің жоғары бөлігінде стриктуралардың түзілгені байқалды Белгісіз - муковисцидозы бар пациенттерде, әсіресе препараттың жоғары дозаларын қабылдағаннан кейін несеп қышқылының несеппен экскрециялануы артуы мүмкін. Сондықтан мұндай пациенттерде несеп қышқылы тастарының түзілуіне жол бермеу үшін, несеп қышқылының несеппен шығарылуын тексеріп отыру керек. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz |
Қосымша мәліметтер: | Дәрілік препарат құрамы
Бір таблетканың құрамында
белсенді заттар: 250.000 мг панкреатин белсенділігі:
липаза ЕФ 7000 ӘБ кем емес,
протеаза ЕФ 600 ӘБ кем емес,
амилаза ЕФ 4800 ӘБ кем емес
қосымша заттар: микрокристалды целлюлоза, лактоза моногидраты, натрий кроскармеллозасы, натрий крахмалының гликоляты (А типі), сусыз коллоидты кремнийдің қостотығы (аэросил), кальций стеараты
қабығының құрамы: метакрил қышқылы, тальк, титанның қостотығы (Е 171), триэтилцитрат (Е1505), понсо 4R (Е124), коллоидты кремнийдің қостотығы (аэросил) (Е551), натрий гидрокарбонаты, натрий лаурилсульфаты.
Сыртқы түрінің, иісінің, дәмінің сипаттамасы
Қабықпен қапталған, қызғылт түсті, сопақша пішінді, өзіне тән иісі бар, екі жақ беті дөңес таблеткалар |
Шығарылу түрі және қаптамасы: | OPA/AL/PVC алюминий фольгадан және алюминий фольгадан жасалған пішінді ұяшықты қаптамаға 10 таблеткадан салынған.
Пішінді ұяшықты 1 немесе 2 қаптамадан медициналық қолдану жөніндегі қазақ және орыс тілдеріндегі бекітілген нұсқаулықпен бірге картоннан жасалған қорапшаға салынады.
Картоннан жасалған қорапшалар картоннан жасалған қораптарға салынады.
Медициналық қолдану жөніндегі қазақ және орыс тілдеріндегі бекітілген нұсқаулықтағы ақпаратты тікелей қорапшаға жазуға рұқсат етіледі.
Пішінді ұяшықты қаптамаларды (картоннан жасалған қорапшаға салмай) картоннан жасалған қорапқа салуға жол беріледі. Әр қорапқа қаптамалардың санына қарай, медициналық қолдану жөніндегі қазақ және орыс тілдеріндегі бекітілген нұсқаулық салынады. |
Сақтау мерзімі: | 2 жыл.
Жарамдылық мерзімі өткеннен кейін қолдануға болмайды!
Сақтау шарттары
Құрғақ, жарықтан қорғалған жерде, 25 ºС-ден аспайтын температурада сақтау керек
Балалардың қолы жетпейтін жерде сақтау керек! |
Дәріханалардан босатылу шарттары: | |
Өндіруші туралы мәліметтер: | «Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610151)
Автоматты жауап беру нөмірі +7 7252 (561342)
Электронды пошта complaints@santo.kz |
Тіркеу куәлігінің ұстаушысы: | «Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610151)
Автоматты жауап беру нөмірі +7 7252 (561342)
Электронды пошта complaints@santo.kz |
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, элект: | «Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610150)
Электронды пошта phv@santo.kz; infomed@santo.kz |
