Сипаттама
Дәрілік затты медициналық қолдану жөніндегі нұсқаулық
Панкреатин
Саудалық атауы
Панкреатин
Халықаралық патенттелмеген атауы
Жоқ
Дәрілік түрі
Ішекте еритін қабықпен қапталған таблеткалар, 25 ӘБ
Құрамы
Бір таблетканың құрамында
белсенді зат: панкреатин 0.1 г
(протеолитикалық белсенділігі 25 ӘБ кем емес, липолитикалық белсенділігі 140 ӘБ кем емес, амилолитикалық белсенділігі 1500 ӘБ кем емес);
қосымша заттар: лактоза моногидраты, метилцеллюлоза МЦ-16, кальций стеараты;
қабықтың құрамы: целацефат, қышқылды қызыл 2С Е122, титанның қостотығы Е171, полисорбат-80.
Сипаттамасы
Дөңгелек пішінді, екі беті дөңес, өзіне тән иісі бар, қызғылт немесе қоңыр-қызғылт түсті қабықпен қапталған таблеткалар. Таблетканың көлденең қимасында теңбілдер болуына жол беріледі.
Фармакотерапиялық тобы
Ас қорыту жолы және зат алмасу. Ас қорытуға ықпал ететін препараттар (ферменттер қоса). Ферментті препараттар. Мультиферменттер (липаза, протеаза және т.б.).
АТХ коды А09АА02
Фармакологиялық қасиеттері
Фармакокинетикасы
Панкреатиндік ферменттер жіңішке ішектің сілтілік ортасында дәрілік түрден босап шығады,өйткені асқазан сөлі әсерінен қабықпен қорғалған.
Ең жоғары ферменттік белсенділігі ішу арқылы қабылдағаннан соң 30-45 минуттан кейін байқалады.
Фармакодинамикасы
Ұйқы безінің сыртқы сөліністік функциясы жеткіліксіздігінің орнын толтырып, протеолитикалық, амилолитикалық және липолитикалық әсер етеді.
Панкреатиннің құрамына кіретін ферменттер (липаза, альфа-амилаза, трипсин, химотрипсин) ақуыздарды аминқышқылдарына дейін, майларды глицеринге және майлы қышқылдарға дейін, крахмалды декстриндер мен моносахаридтерге дейін ыдыратады, олардың жіңішке ішекте барынша толықсіңуіне ықпал етеді. Сондай-ақ препарат ұйқы безі, асқазан мен жіңішке ішектің жеке ферменттерінің, сондай-ақ өттің бөлінуін көтермелейді. Асқазан-ішек жолының функциясын жақсартып, ас қорыту үдерісін қалпына келтіреді.
Қолданылуы
Ұйқы безінің ферменттік белсенділігін төмендетумен қамтылған ұйқы безі жеткіліксіздігінің экзокриндік (ферменттік) емді алмастыруда.
Қолдану тәсілі және дозалары
Препаратты шайнамай, тамақтану кезінде немесе тамақтан кейін ішке қабылдайды.
Ересектер: 50-100 ӘБ 2-4 таблеткадан тәулігіне 3-4 рет.
Препаратты қабылдау ұзақтығын ауру ағымына байланысты дәрігер белгілейді.
Жағымсыз әсерлері
Асқазан-ішек жолы тарапынан бұзылулар:
Өте жиі (≥ 1/10): іш айналасының ауыруы.
Жиі (≥ 1/100, <1/10): жүрек айнуы, құсу, іш қату, іштің кебуі, диарея (панкреатин әсерімен бұл реакциялар дамуының себеп-салдарлы байланысы анықталған жоқ, өйткені көрсетілген құбылыстар ұйқы безінің сыртқы сөліністің жеткіліксіздігінде білінетін симптомдарға жатады)
Жиілігі белгісіз: препараттың жоғары дозаларын алған муковисцидозы бар пациенттерде мықын, бүйен және жуан ішек (фиброзданатын колонопатия) стриктурасы
Тері және теріасты тіндері тарапынан бұзылулар
Жиі емес (≥ 1/1000, <1/100): бөртпе.
Жиілігі белгісіз: қышыну, есекжем.
Иммунды жүйе тарапынан бұзылулар:
Жиілігі белгісіз: аса жоғары сезімталдық (анафилаксиялық реакциялар).
Қолдануға болмайтын жағдайлар
- препарат компоненттеріне жоғары сезімталдық
- галактозаны көтере алмаушылық
- Lapp-лактаза ферментінің тапшылығы
- глюкоза-галактозды мальабсорбция
- жедел панкреатит, созылмалы панкреатиттің өршуі
- 18 жасқа дейінгі балалар
Дәрілермен өзара әрекеттесуі
Панкреатинді темір препараттарымен бір мезгілде қолданғанда соңғысының сіңуі төмендеуі мүмкін.
Құрамында кальций карбонаты және/немесе магний гидроксиді бар антацидтік дәрілерді бір мезгілде қабылдау панкреатин тиімділігінің төмендеуіне әкелуі мүмкін.
Айрықша нұсқаулар
Муковисцидоз кезінде стриктураның (фиброзды колонопатия) даму қатеріартатындықтан панкреатинді жоғары дозада қолдануға болмайды.
Дозақабылданатын тағамның сапасы мен көлемі ескерілген майлардың сіңіуіне қажетті ферменттердің мөлшеріне сай болуы керек. Ұзақ уақыт бойы қолданған кезде онымен бірге темір препараттарын тағайындайды.
Педиатрияда қолдану
Бұл дәрілік түрді 18 жасқа дейінгі балалардың қабылдауына болмайды.
Жүктілік және лактация
Панкреатинді жүктілік және лактация кезеңінде қолданудың қауіпсіздігі жеткіліктізерттелмеген. Анасы үшін күтілетін пайдасы шарана мен балаға төнетін ықтимал қатерден асқан жағдайда қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралын немесе қауіптілігі зор механизмдерді басқару қабілетіне әсер етпейді.
Артық дозалануы
Симптомдары: гиперурикозурия, гиперурикемия.
Емі: препаратты тоқтату, симптоматикалық ем.
Шығарылу түрі және қаптамасы
10 таблеткадан ЭП-73 маркалы поливинилхлоридті үлбірден және алюминий фольгадан жасалған пішінді ұяшықты қаптамада.
60 таблеткадан полимер материалдардан жасалған банкіге салынған.
6 пішінді ұяшықты қаптамаларды немесе полимер материалдардан жасалған банкіні медициналық қолдану жөніндегі қазақ және орыс тілдерінде жазылған нұсқаулықпен қораптық картоннан жасалған қорапшаға салады.
Сақтау шарттары
Пішінді ұяшықты қаптаманы немесе қорапшаға салынған банкіні, 25оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші/Қаптаушы
«Ирбит химфармзауыты» ААҚ, Ресей
623856, Свердлов облысы, Ирбит қ., Киров к-сі, 172
Тіркеу куәлігі ұстаушысы
«Ирбитхимфармзауыты» ААҚ, Ресей
Қазақстан Республикасы аумағында тұтынушылардан дәрілік заттыңсапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
ЖК Утегенова Б.А.
050022, Қазақстан, Алматы қ., Мауленов к., 123 «А», 7 пәтер
тел. +77017076181
Электронды поштасы b.utegenova_ip@mail.ru
