Сипаттама
Дәрілік затты медициналық қолдану жөніндегі нұсқаулық
Вагил
Саудалық атауы
Вагил
Халықаралық патенттелмеген атауы
Жоқ
Дәрілік түрі
Ұнтақ 10 г
Құрамы
Бір пакеттің құрамында
белсенді заттар: натрий хлориді 0,8г
натрий тетрабораты 1,375г
натрий гидрокарбонаты 7,7г
L-ментол 0,125г
қосымша зат - натрий бензоаты 0,2г
Сипаттамасы
Суда еритін бөгде қосылыстарсыз ментолға тән иісі бар ақ ұнтақ.
Фармакотерапиялық тобы
Несеп-жыныс жүйесі және жыныс гормондары. Гинекологиялық инфекцияға қарсы және антисептик препараттар. Инфекцияға қарсы және антисептикалық препараттар, кортикостероидтармен біріктірілімдерін қоспағанда
АТХ коды G01А
Фармакологиялық қасиеттері
Вагил ұнтағы сыртқы несеп-жыныс мүшелерін және қынапты өңдеуге арналған сулы сілтілі ерітіндіні дайындау үшін пайдаланылатын тиімді препарат болып табылады. Препарат бактерияға, қышынуға қарсы, жұмсартқыш және тұтқыр қасиеттерге ие.
Қолданылуы
- несеп-жыныс жүйесі мүшелеріндегі күйдіру, тітіркену, қышуды симптоматикалық емдеуге арналған
- босанғаннан кейінгі кезеңде жергілікті контрацептивтік дәрілерді және қынаптық препараттарды пайдаланғаннан кейін етеккір кезінде гигиеналық зат ретінде
- медициналық аборт алдында, операциялық араласулар алдында қынапты санациялауға арналған,
- ішектің және қуықтың әрбір босауынан кейін үй жағдайларында және стационарда төсекке таңылған науқастар мен операциядан кейінгі кезеңдегі науқастарды гигиеналық өңдеуге арналған
Қолдану тәсілі және дозалары
Пакет ішіндегісі 1 литр жылы суда ерітіледі және мұқият араластырылады. Алынған ерітінді сыртқы несеп-жыныс мүшелерін және қынапты күніне 1-2 рет шайып жууға пайдаланылады.
Препарат өз бетінше де, басқа препараттармен біріктіріліп те пайдаланылады (зеңге қарсы, трихомонацидті, антибиотиктермен, қабынуға қарсы және т.б.).
Жағымсыз әсерлері
- препаратты қолданғаннан кейін тікелей жеңіл, жылдам өтетін күйдіру болуы мүмкін
Өте сирек
- препарат ингредиенттеріне жоғары сезімталдық болуымен негізделген тітіркену
Қолдануға болмайтын жағдайлар
- препарат ингредиенттеріне жоғары сезімталдық
Дәрілермен өзара әрекеттесуі
Анықталған жоқ.
Айрықша нұсқаулар
- тек сыртқа қолдануға арналған
- қосымша зат тері, көз және шырышты қабықтың тітіркенуін туындатуы мүмкін
Педиатрияда қолдану
Бұл өнімдер сыртқа қолдануға арналған және 3 жасқа дейінгі балаларда қолданылмауы тиіс.
Жүктілік немесе лактация кезінде
Жүктілік кезінде бүркіп шаюды, егер оны дәрігер тағайындамаса жүргізбеген жөн. Тітіркенуі пайда болған жағдайда пайдалануды тоқтату керек.
Артық дозалануы
Анықталған жоқ.
Шығарылу түрі және қаптамасы
10,2 г алюминий фольгадан және тығыздығы төмен полиэтиленнен жасалған герметикалық жабылған пакеттерге салынған. 10 пакеттен мемлекеттік және орыс тілдеріндегі медициналық қолдану жөніндегі нұсқаулықпен бірге картон қорапшаға салынады.
Сақтау шарттары
30ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Босатылу шарттары
Рецептісіз
Өндіруші
Медикал Юнион Фармасьютикалс, Мысыр.
Тіркеу куәлігінің ұстаушысы
Медикал Юнион Фармасьютикалс, Мысыр
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта «МедикалЮнион Фармасьютикалс» компаниясының ҚР өкілдігі.
Мекенжайы: Алматы қ. 050000, Марков к-сі 61/1, 3-блок, 2-қабат.
тел./факс: 8(727) 224 27 14, 8 (727) 224 27 19;
эл. пошта: mupkz.al@gmail.com
