Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Цитовир®-3
Халықаралық патенттелмеген атауы
Жоқ
Дәрілік түрі, дозасы
Шәрбат
Фармакотерапиялық тобы
Антинеопластикалық және иммуномодуляциялайтын препараттар. Иммуностимуляторлар. Басқа иммуностимуляторлар.
АТХ коды L03AХ
Қолданылуы
Бір жастан асқан балалардағы тұмау және жедел респираторлық вирусты инфекцияларды кешенді емдеу құрамында және профилактикасы ретінде
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші заттарға немесе кез келген қосымша заттарға аса жоғары сезімталдық
- қант диабеті
- жүктілік
- 1 жасқа дейінгі балаларға
Қолдану кезінде қажетті сақтық шаралары
Егер сізде қант диабеті, кейбір қанттарды көтере алмау немесе артериялық гипотензия болса, препаратты қабылдар алдында дәрігермен кеңесіңіз.
Басқа дәрілік препараттармен өзара әрекеттесуі
Вирусқа қарсы препараттармен және тұмау мен ЖРВИ симптоматикалық емінің дәрілерімен бір мезгілде қолданылуы мүмкін.
Осы дәрілік препаратты басқа дәрілік препараттармен, өсімдік дәрілік препараттарымен, тамақпен, алкогольмен, шылым шегумен және медициналық мақсатта пайдаланылмайтын фармакологиялық белсенді заттармен қолдануға әсер ететін өзара әрекеттесулер анықталған жоқ.
1 кесте
| Дәрілік препараттар | Әсері |
| Альфа-глутамил-триптофан |
| Анықталмаған |
| Бендазол гидрохлориді |
| Селективті емес бета-адреноблокаторлар | Тамырлардың жалпы шеткергі кедергісінің артуына кедергі жасайды |
| Гипотензивті және диуретикалық препараттар | Гипотензивті әсерді күшейтеді (артериялық қысымның төмендеуі) |
| Фентоламин | Бендазолдың гипотензивті әсерін күшейтеді |
| Аскорбин қышқылы |
| Бензилпенициллин мен тетрациклиндер | Қандағы концентрацияны көтермелейді |
| Темір препараттары | Ішекте сіңірілуін жақсартады (үш валентті темірді екі валентті темірге ауыстырады) |
| Гепарин және тікелей емес антикоагулянттар | Олардың тиімділігін төмендетеді |
| Ацетилсалицил қышқылы (АСҚ) | Сіңуі мен сіңірілуін төмендетеді, несеппен аскорбин қышқылының бөлінуі артады және АСҚ бөлінуі төмендейді. АСҚсіңірілуін шамамен 30%-ға төмендетеді |
| Пероральді контрацептивтер | Сіңуі мен сіңірілуін төмендетеді |
| Қысқа әсер ететін салицилаттар мен сульфаниламидтер | Кристаллурияның даму қаупін арттырады, қышқылдардың бүйрек арқылы шығарылуын баяулатады |
| Сілтілі реакциялары бар препараттар (оның ішінде алкалоидтар) | Шығарылуын арттырады |
| Изопреналин | Бір мезгілде қолданған кезде хронотропты әсерді азайтады |
| Барбитураттар мен примидон | Аскорбин қышқылының несеппен шығарылуын арттырады |
| Психозға қарсы дәрілер (нейролептиктер) – фенотиазин туындылары. | Емдік әсерін азайтады |
| Амфетамин мен трициклді антидепрессанттар | Өзектік қайта сіңірілуді азайтады |
Емдеуші дәрігер пациенттің қандай препаратты қабылдайтынын, жақында қабылдағанын немесе қабылдауды бастай алатынын білуі тиіс. Егер пациент кез келген басқа дәрілік заттарды қабылдаса, препаратты қолдану мүмкіндігіне қатысты дәрігердің консультациясы міндетті.
Арнайы ескертулер
Сирек кездесетін фруктозаның тұқым қуалайтын жақпаушылығы, глюкоза-галактозды мальабсорбциясы немесе сахараза-изомальтаза тапшылығымен пациенттерге бұл препаратты қабылдамаған жөн.
Қайталау курстарында қандағы глюкоза концентрациясын мезгіл-мезгіл бақылау ұсынылған.
Аллергиялық реакциялар болуы мүмкін: есекжем. Мұндай жағдайларда препаратты қабылдауды тоқтатады және симптоматикалық ем, антигистаминді дәрілер тағайындайды.
Жүктілік немесе лактация кезінде
Препаратты жүктілік кезінде қолдануға болмайды.
Егер анасы үшін күтілетін пайдасы бала үшін ықтималды қауіптен артатын болса, емшек емізу кезеңінде қолданылуы мүмкін.
Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Зерттелмеген.
Қолдану жөніндегі нұсқаулар
Дозалау режимі
2 кесте
| Балалар жасы | 1-3 жас | 3-6 жас | 6-10 жас | 10 жастан аса |
| Емдеу үшін | 2 мл күніне 3 рет | 4 мл күніне 3 рет | 8 мл күніне 3 рет | 12 мл күніне 3 рет |
| Профилактика үшін Тұмаумен және басқа да ЖРВИ-мен ауыратын науқастармен тікелей байланыста болған кезде | 2 мл күніне 3 рет | 4 мл күніне 3 рет | 8 мл күніне 3 рет | 12 мл күніне 3 рет |
Енгізу әдісі және жолы
Тамаққадейін 30 минут бұрын ішке қабылдайды
Емдеу ұзақтығы
Қолдану курсы4 күн.
Профилактикалық курстары қажет болған жағдайда 3 аптадан кейін қайталанады.
Артық дозаланған жағдайда қолданылуы қажет шаралар
Артық дозалану жағдайлары сипатталмаған.
Препараттың алғашқы ашылуын бақылаумен және/немесе балалардан қорғауымен қауіпсіз қаптамасы және артық дозалауды болдырмау үшін қарапайым ыңғайлы дозалаушы құрылғысы бар.
Дәрілік препараттың бір немесе бірнеше дозасын өткізіп алған кездегі қажетті шаралар
Дозаны өткізіп алған кезде дозаны және курсты ұлғайтпай, нұсқаулықта көрсетілген сызба бойынша қабылдауды жалғастыру ұсынылады.
Дозаны жоғарыда ұсынылғаннан арттыру емдік әсердің артуына әкелмейді.
Тоқтату симптомдары қаупінің барын көрсету
Жоқ
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Қажет болған жағдайда, препаратты қабылдар алдында дәрігермен кеңесіңіз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Препаратты қабылдайтын пациенттерде артериялық гипотензия жағымсыз реакциясы болуы мүмкін.
Жергілікті аллергиялық реакция түрінде өте сирек байқалған жағымсыз реакция, ол алдын ала болжанған ретінде жіктеледі. Бұл жағымсыз реакция пайда болған кезде препаратты тоқтатқаннан кейін қандай да бір салдарсыз толық сауығу басталады.
Теріжәне тері асты шелітарапынан
Өте сирек (< 1/10000)
- аса жоғары сезімталдық реакциялары
Иммундық жүйелер тарапынан бұзылулар
Белгісіз (қолда бар деректер негізінде бағалау мүмкін емес)
- аллергиялық реакциялар
Тамырлар тарапынан бұзылулар
Белгісіз
- артериялық қысымның қысқа мерзімдік төмендеуі
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
1 мл шәрбаттың құрамында:
белсенді заттар: тимоген® натрий (Тимоген®-ге шаққанда) 0. 15 мг,
аскорбин қышқылы 12 мг, бендазол гидрохлориді (дибазол) 1.25 мг,
қосымша заттар: сахароза, тазартылған су.
Сыртқы түрінің, иісінің, дәмінің сипаттамасы
Түссізден сары түске дейінгі шәрбат.
Шығарылу түрі және қаптамасы
50 мл препараттан күңгірт шыны құтыларға салынған. Құтыны алғаш ашылуы бақыланатын пластмасса қақпақпен немесе алғаш ашылуы бақыланатын және балалардан қорғалатын пластмасса қақпақпен тығындайды. Құтыларға өздігінен желімделетін заттаңба немесе көп бетті заттаңба жапсырылады.
Бір құтыдан картон қорапшаға салынған. Медициналық қолдану жөніндегі қазақ және орыс тілдеріндегі нұсқаулық картон қорапшаға немесе заттаңбаның ашылатын бөлігінің астына бүктелген бет түрінде салынған.
Қорапшаға дозалағыш құрылғы: өлшеуіш стақан немесе дозалағыш қасық немесе дозалағыш пипетка салынған.
Сақтау мерзімі
2 жыл
Жарамдылық мерзімі өткеннен кейін қолдануға болмайды!
Сақтау шарттары
25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Цитомед» Медициналық-биологиялық ғылыми-өндірістік кешені»
Акционерлік қоғам(«МБҒӨК «Цитомед» АҚ), Ресей
194356, Санкт-Петербург қ., Орлово-Денисовский даңғ.,
14 үй, 1 құрылым
Тел./факс: 8 (800)505-03-01, электронды поштасы: www.cytomed.ru
Тіркеу куәлігінің ұстаушысы
«Цитомед» Медициналық-биологиялық ғылыми-өндірістік кешені»
Акционерлік қоғам(«МБҒӨК «Цитомед» АҚ), Ресей
194356, Санкт-Петербург қ., Орлово-Денисовский даңғ.,
14 үй, 1 құрылым
Тел./факс: 8 (800)505-03-01, электронды поштасы: www.cytomed.ru
Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтынжәне дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«PARASATPHARMAMEDICAL» ЖШС, Қазақстан Республикасы,
050046, Алматы қ., Алатау ауданы, Шаңырақ-1 ықшам ауданы,
Өтемісұлы к-сі, 71Б үй
Тел.: +7 (727) 364-52-05; +7 (702) 490-31-10
E-mail: zhenyagr78@mail.ru
