Тауфон 4% 15 мл капли глазные

Сипаттама

Дәрілік заттың медициналық қолдану

жөніндегі нұсқаулық

ТАУФОН^®

Саудалық атауы

Тауфон^®

Халықаралық патенттелмеген атауы

Таурин

Дәрілік түрі

Көзге тамызатын дәрі 4%, 15 мл

Құрамы

1 мл ерітінді құрамында

белсенді зат – 40.0 мг таурин;

қосымша заттар: бензалконий хлоридінің 50 % ерітіндісі (100% затқа шаққанда), инъекцияға арналған су.

Сипаттамасы

Мөлдір түссіз сұйықтық

Фармакотерапиялық тобы

Сезу мүшелері ауруларынемдеуге арналған препараттар. Көз ауруларынемдеуге арналған препараттар. Көз ауруларынемдеуге арналған басқа да препараттар

АТХ коды S01ХА

Фармакологиялық қасиеттері

Фармакокинетикасы

Жергілікті қолданғанда жүйелік сіңуі төмен.

Организм тіндерінде іс жүзінде тотығуға ұшырамайды. Бауырда, бұлшықеттерде, жүрек, жүйке, ми тіндерінде, қанда бос күйінде байқалады (қанның формалық элементтері плазмадағыдан көбірек). Бүйректер арқылы шығарылады.

Фармакодинамикасы

Таурин организмде цистеиннің айналу үдерісінде пайда болатын, құрамында күкірті бар аминқышқылы болып табылады. Дистрофиялық сипаттағы ауруларда және көз тіндері метаболизмінің елеулі бұзылуымен қатарласа жүретін ауруларда репарация және регенерация үдерістерін стимуляциялайды.

Жасушалық жарғақшалар функциясының қалыпқа келуіне, энергетикалық және алмасу үдерістерінің белсенділенуіне, K+ және Ca2+ жиналуы есебінен цитоплазманың электролиттік құрамының сақталуына, жүйке импульстарын өткізу жағдайларының жақсаруына мүмкіндік береді.

Қолданылуы

- көздің торқабығының дистрофиялық зақымында

- мөлдір қабықтың дистрофиясында және жарақатында

- катарактада (кәрілік, диабеттік, жарақаттық және сәуле арқылы)

Қолдану тәсілі және дозалары

Катаракта кезінде Тауфонды^® инстилляция түрінде 3 ай бойы күнделікті күніне 2-4 рет әрбір көзге 2-3 тамшыдан тағайындайды. Емдеу курсын айлық аралықпен қайталайды. Жарақаттарда 1 ай бойы осындай дозаларда қабылдайды.

Жағымсыз әсерлері

- аллергиялық реакциялар

Қолдануға болмайтын жағдайлар

- препарат компоненттеріне жекелей жоғары сезімталдық

• 18 жасқа дейінгі балалар

Дәрілермен өзара әрекеттесуі

Ашық бұрышты глаукоманы емдеу үшін β-блокаторлармен біріктіріп пайдаланғанда препараттың тиімді болғаны жөнінде деректер бар.

Әсерінкүшейтуге ағынын жеңілдету коэффициентін арттыру және сулы ылғал өнімін төмендету есебінен қол жеткізіледі.

Басқа офтальмологиялық дәрілік заттарды бір мезгілде қолдану қажет болғанда таурин мен басқа препараттар арасындағы аралық кем дегенде 10-15 минутты құрауы тиіс.

Айрықша нұсқаулар

Құтының тұтастығы бүлінгенде, сондай-ақ ерітінді бұлыңғырланған жағдайда препаратты пайдаланбаған жөн.

Тамызған кезде күйдіріп ашытпайды.

Препараттың құрамында болатын бензалконий хлориді консерванты көзге тітіркендіретін әсер беруі, ириттер болуы мүмкін. Жұмсақ жанаспалы линзамен жанасуды болдырмаған жөн; препаратты қолданар алдында кез келген жанаспалы линзаны алып қойған және тамызғаннан кейін кем дегенде 15 минут күте тұру керек.

Тамызғыш-құтының ұшы басқа да заттармен және беткейлермен жанаспау керек. Тамызып болғаннан кейін тамызғыш-құтыны қалпақшасымен нығыздап жабу керек.

Жүктілік және лактация кезеңі

Жүктілік және емшек емізу кезеңінде қолданылуы жөнінде жеткілікті тәжірибе жоқ.Егер күтілетін емдік әсері шарана мен нәресте үшін жағымсыз әсердің пайда болу қаупінен басым болса, Тауфон^® емдеуші дәрігердің тағайындауымен қолданылуы мүмкін.

Педиатрияда қолданылуы

18 жасқа дейінгі балаларда дәрілік заттың тиімділігі мен қауіпсіздігі жөнінде деректер жоқ.

Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері

Көлік құралын немесе қауіпті механизмдерді басқару қабілетіне ықпал етпейді.

Артық дозалануы

Артық дозалауы жөнінде деректер жоқ.

Шығарылу түрі және қаптамасы

15 мл-ден алғаш ашылуы бақыланатын, бұралатынқақпақпен нығыздап жабылған полиэтилен тамызғыш-құтыға құйылады.

1 құты медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 15^оС-ден 25^оС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2,5 жыл

Құтыны ашқаннан кейін препараттың сақталу мерзімі – 4 апта.

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші

«ЛеКос» ЖШС, Қазақстан Республикасы

050000, Алматы қ., Қабанбай батыр к-сі, 114-13, тел.: 308-10-67.

Тіркеу куәлігінің ұстаушысы

«ЛеКос» ЖШС, Қазақстан Республикасы

050000, Алматы қ., Қабанбай батыр к-сі, 114-13

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

050000, Алматы қ., Қабанбай батыр к-сі, 114-13, тел.: 308-10-67.

e-mail: lecos1@mail.ru, www.lecos.kz

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«ЛеКос» ЖШС, Қазақстан Республикасы

050000, Алматы қ., Қабанбай батыр к-сі, 114-13, тел.: 308-10-67.

e-mail: lecos1@mail.ru; www.lecos.kz

Дәріханалар

Қалалар