Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Роксера®
Халықаралық патенттелмеген атауы
Розувастатин
Дәрілік түрі, дозасы
Үлбірлі қабықпен қапталған таблеткалар, 5 мг, 10 мг, 20 мг және 40 мг
Фармакотерапиялық тобы
Жүрек-қантамыр жүйесі. Липид-модификациялайтын препараттар. Липид- модификациялайтын препараттар, қарапайым. HMG-CoA-редуктаза тежегіштері.Розувастатин.
АТХ коды С10АА07
Қолданылуы
- алғашқы гиперхолестеринемия (IIа типі, отбасылық гетерозиготалы гиперхолестеринемияны қоса) немесе аралас дислипидемияда (IІb типі) диета және басқа да дәрі-дәрмектік емес емдеу әдістері (мысалы, дене жаттығулары, дене салмағының кемуі) жеткіліксіз болғанда, диетаға толықтыру ретінде
- отбасылық гомозиготалы гиперхолестеринемияда диетаға және басқа да липидті төмендету еміне толықтыру ретінде (мысалы, ТТЛП-аферез) немесе осындай ем пациентке сай келмейтін жағдайларда
- жалпы холестерин (ЖХС) мен ТТЛП ХС деңгейлерін мақсатты деңгейлерге дейін төмендетуге арналған емнің бір бөлігі ретінде ересек пациенттерде атеросклероздың үдеуін баяулату үшін диетаға толықтыру ретінде
- атеросклероздық жүрек-қантамыр ауруының жоғары даму қаупі бар ересек пациенттердегі жүрек-қантамыр асқынуларының профилактикасында қосымша ем ретінде
Қолдануды бастағанға дейін қажетті мәліметтер тізбесі
Қолдануға болмайтын жағдайлар
5 мг, 10 мг және 20 мг дозалары үшін
- розувастатинге немесе препараттың қосымша компоненттерінің кез келгеніне аса жоғары сезімталдық
- белсенді фазадағы бауыр аурулары, сарысудағы трансаминазалар белсенділігінің тұрақты жоғарылауы және қан сарысуындағы трансаминазалар белсенділігінің кез келген, жоғарғы қалып шегімен салыстырғанда, 3 еседен көп жоғарылауы
- бүйрек функциясының айқын бұзылулары (КК 30 мл/минуттан аз)
- миопатия
- циклоспоринді бір мезгілде қабылдау
- миоуытты асқынулардың дамуына бейімділік
- жүктілік және лактация кезеңі
- бала туатын жастағы әйелдерде контрацепцияның талапқа сай әдістері болмағанда
20 мг-ден жоғары 40 мг дейінгі дозалары үшін қосымша қарсы көрсетілімдер:
Барлық дозалары үшін
Қолдану кезіндегі қажетті сақтық шаралары
Бүйрекке әсері
Розувастатиннің жоғары дозаларын (атап айтқанда, 40 мг) қабылдаған пациенттерде тубулярлық протеинурия байқалды және көпшілік жағдайларда мезгіл мезгіл немесе қысқа мерзімді сипатта болды. Препаратты 30 немесе 40 мг дозада қабылдап жүрген пациенттерде емдеу кезінде бүйрек функциясының көрсеткіштерін бақылау (3 айда бір реттен сирек емес) ұсынылады.
Қаңқа бұлшықеттеріне әсері
Розувастатинді барлық дозаларында қолданғанда, әсіресе, 20 мг-ден асатын дозаларын қабылдағанда тірек-қимыл аппаратына келесі әсерлері жөнінде хабарланды: миалгия, миопатия, сирек жағдайларда - рабдомиолиз. HMG- CoА редуктаза тежегіштері мен эзетимибті бір мезгілде қабылдағанда рабдомализдің өте сирек жағдайлары білінген. Фармакодинамикалық өзара әрекеттесуін жоққа шығаруға болмайды, сондықтан розувастатинніңэзетимибпен біріктірілімі сақтықпен қолданылуы тиіс.
HMG-CoА редуктазаныңбасқа тежегіштері жағдайындағы сияқты, маркетингтен кейінгі кезеңде препаратты 40 мг дозада қолданғанда рабдомиолиз жиілігі жиірек байқалады.
Креатинфосфокиназаны өлшеу
Креатинфосфокиназаны (КФК) қарқынды дене жүктемелерінен соң және КФК деңгейі жоғарылауының басқа ықтимал себептері болған жағдайда анықтауға болмайды; бұл алынған нәтижелердің қате интерпретациялануына алып келуі мүмкін. Егер КФК бастапқы деңгейі едәуір жоғары (қалыптың жоғарғы шегінен 5 есе көп) болса, 5-7 күннен соң қайтадан өлшеу керек. Егер қайта өткізілген тест КФК бастапқы деңгейін (қалыптың жоғары шегімен салыстырғанда 5 еседен көп) растаса, емдеуді бастауға болмайды.
Емдеудің алдында
HMG-CoА редуктазаның басқа тежегіштері сияқты, Роксера® препараты миопатия/рабдомиолиздің қауіп факторлары бар пациенттерге сақтықпен тағайындалуы тиіс. Ондай факторларға жататындар:
- бүйрек зақымданулары
-гипотиреоз
-дербес немесе отбасылық анамнездегі тұқым қуалайтын миопатиялар
-анамнезінде HMG CoА редуктазаның басқа тежегіштерін немесе фибраттарды қабылдау кезіндегі миоуытты құбылыстардың көрсетілуі
- фибраттарды бір мезгілде қабылдау
Ондай пациенттерде емдеудің қаупі пен ықтимал пайдасын бағалау қажет. Сондай-ақ, клиникалық мониторинг жүргізу ұсынылады. Егер бастапқы КФК деңгейі, қалыптың жоғары шегімен салыстырғанда, 5 еседен көп болса, препаратпен емдеуді бастауға болмайды.
Емдеу үдерісінде
Препаратпен ем кезеңінде пациентті күтпеген жерден бұлшықеттердің ауыруы, бұлшықет әлсіздігі немесе түйілулері пайда болған, әсіресе, дімкәстанумен және қызбамен біріккен жағдайлары жөнінде дереу дәрігерге хабарлау қажеттігінен хабардар ету керек. Ондай пациенттерде КФК деңгейін анықтап алу керек. Егер КФК деңгейі едәуір (жоғарғы қалып шегімен салыстырғанда 5 еседен көп) жоғарыласа немесе егер бұлшықеттер тарапынан симптомдар күрт білінсе және күнделікті жайсыздық тудыратын болса (тіпті, егер КФК деңгейі жоғарғы қалып шегімен салыстырғанда 5 есе аз болса да), емдеу тоқтатылуы тиіс. Егер симптомдары жоғалып, КФК деңгейі қалыпқа түсетін болса, пациентті мұқият қадағалаумен Роксераны немесе басқа да HMG-CoА редуктаза тежегіштерін азғантай дозаларында қайта тағайындау мәселесін қарастыру керек. Симптомдарыжоқ кезде, КФК деңгейін дағдылы түрде бақылау мақсатқа сай келмейді.
Клиникалық зерттеулерде розувастатин мен қатарлас емді қабылдағанда қаңқа бұлшықеттеріне әсерінің жоғарылау белгілері білінбеген. Алайда, фибрин қышқылының туындыларымен (мысалы, гемфиброзил), циклоспоринмен, никотин қышқылымен, зеңге қарсы азолдық дәрілермен, протеазалар тежегіштерімен және макролидтік антибиотиктермен біріктіріп HMG CoА редуктазаның басқа тежегіштерін қабылдаған пациенттерде миозит және миопатия жағдайларының саны артқаны хабарланған.
Гемфиброзил HMG CoА редуктазаның кейбір тежегіштерімен бірге тағайындалғанда миопатияның туындау қаупін арттырады. Сол себепті, Роксера® мен гемфиброзилді бір мезгілде тағайындау ұсынылмайды. Роксераны фибраттармен немесе ниацинмен (никотин қышқылымен) біріктіріп қолдану кезінде липидтер деңгейлерін ары қарай өзгертудің артықшылықтары ықтимал қаупін ескере отырып мұқият саралануы тиіс. Фибраттармен біріктіріп емдеу үшін 40 мг дозасын қолдануға болмайды.
Роксераны фузидий қышқылының жүйелі препараттарымен бір мезгілде немесе фузидий қышқылымен емдеу тоқтатылғаннан кейінгі 7 күн бойы қолданбаған дұрыс. Фузид қышылын жүйелі түрде қолдануы қажет деп есептелген пациенттерде, фузидий қышқылымен емдеудің барлық кезеңі бойына статиндермен емдеуді тоқтату керек. Фузидий қышқылын статиндермен біріктіріп қабылдаған пациенттерде рабдомиолиз жағдайлары (өлімге соқтырған кейбір жағдайларын қоса) туралы хабарланды). Пациенттерге бұлшықет әлсіздігінің, ауыруының немесе ауырсынудың кез келген симптомдары пайда болған жағдайда дереу дәрігерге жүгінуге кеңес беру керек. статиндермен емдеуді фузидий қышқылының соңғы дозасынан кейін 7 күннен соң қайта бастауға болады. Жекелеген жағдайларда, фузидий қышқылын жүйелі түрде ұзақ уақыт бойы, мысалы, ауыр инфекцияларды емдеу үшін қабылдау қажет болған кезде Роксера® мен фузид қышқылын бір мезгілде қолдану қажеттілігін тек жекелей тәртіппен және мұқият медициналық қадағалаумен қарастыру керек.
Роксераны миопатияға соқтыруы мүмкін жағдайда немесе рабдомиолиз салдарынан бүйрек жеткіліксіздігінің дамуына бейімдендіретін жағдайда (мысалы, сепсис, гипотензия, ауқымды хирургиялық араласулар, жарақаттар, ауыр метаболизмдік, эндокриндік және электролиттік бұзылулар немесе бақыланбайтын құрысулар) жүрген пациенттерге тағайындамау керек.
Бауырға әсері
HMG CoА редуктазаның басқа тежегіштері жағдайындағы сияқты,Роксера® препараты алкогольді шамадан тыс мөлшерде тұтынатын және/немесе анамнезінде бауыр ауруы болған пациенттерге сақтықпен қолданылуы тиіс. Препараттың Чайлд-Пью шкаласы бойынша балы 9-дан жоғары бар пациенттерде қолданылу тәжірибесі жоқ.
Бауыр функциясының көрсеткіштерін анықтауды емдеу басталғанға дейін және емдеу басталғаннан кейін 3 айдан соң жүргізу ұсынылады. Егер қан сарысуындағы трансаминазалар белсенділігінің деңгейі жоғарғы қалып шегінен 3 есе асып кетсе немесе тұрақты жоғарылауы білінсе, Роксера® препаратын қабылдауды тоқтату немесе препараттың дозасын азайту керек.
Гипотиреоз немесе нефроздық синдром салдарынан болған гиперхолестеринемиясы бар пациенттерде Роксера® препаратымен емдеу басталғанға дейін негізгі ауруларды емдеу жүргізілуі тиіс.
Нәсіл
Розувастатиннің жүйелі концентрациясы, еуропалықтармен салыстырғанда, азиялық нәсілді пациенттерде жоғары.
Протеаза тежегіштері
Протеазалар тежегіштерімен бір мезгілде қолдану ұсынылмайды.
Өкпенің интерстициальді аурулары
Кейбір статиндерді қабылдау кезінде, әсіресе, ұзақ емдеген кезде ентігу, өнімсіз жөтел және жалпы денсаулық жағдайының нашарлауы (шаршау, салмақ жоғалту және қызба) түрінде көрініс беретін өкпенің интерстициальді ауруларының бірен-саран жағдайлары тіркелген. Егер пациентте өкпенің интерстициальді ауруының дамуына күдік туындаса, статиндермен емдеу тоқтатылуы тиіс.
Қант диабеті
Аш қарында 5,6-дан 6,9 ммоль/л дейінгі гликемиясы бар пациенттерде розувастатинмен емделу қант диабетінің даму қаупін арттырады.
Басқа дәрілік препараттармен өзара әрекеттесуі
Бір мезгілде қолданылатын дәрілік препараттардың розувастатинге ықпалы
Тасымалдағыш ақуыздардың тежегіштері
Розувастатин ОАТР1В1 және BCRP (сәйкесінше, бауырда сіңірілуіне және тиісінше шығарылуына ықпал ететін) қоса, кейбір тасымалдағыш ақуыздар үшін субстрат болып табылады. Роксераны осы тасымалдағыш ақуыздардың тежегіштері болып табылатын дәрілік заттармен бір мезгілде қолдану розувастатиннің плазмадағы концентрациясының жоғарылауына және миопатияның даму қаупінің артуына алып келуі мүмкін («Қолданубойынша ұсынымдар», «Қолдану кезіндегі сақтық шаралары» бөлімдерін жәнетөмендегі 1-кестені қараңыз).
Циклоспорин
Розувастатин мен циклоспоринді бір мезгілде қолданғанда розувастатин AUC мәні(«концентрация - уақыт» қисығы астындағы ауданы) орташа алғанда 7 есе жоғарылайды. Циклоспоринді қабылдап жүрген пациенттерге Роксераны қолдануға болмайды. Бірге қолдану циклоспориннің плазмалық концентрациясына ықпал етпейді.
Протеазалар тежегіштері
Өзара әрекеттесудің нақты механизмі белгісіз болса да, протеазалар тежегіштерін бір мезгілде қабылдау розувастатиннің жүйелі концентрацияларын айқын арттыруы мүмкін.20 мг розувастатин мен құрамында протеазалардың екі тежегіші (400 мг лопинавир/100 мг ритонавир) бар біріктірілген препаратты бір мезгілде қабылдаған кезде розувастатиннің тепе-тең AUC және Cmax мәндерінің, сәйкесінше, 3 және 7 есе артқаны хабарланған. Розувастатин экспозициясының күтілетін жоғарылауын ескере отырып Роксераның дозасын мұқият түзеткеннен кейін, Роксера® препараты менпротеаза тежегіштерінің кейбір біріктірілімдерін бір мезгілде қолдануды қарастыруға болады.
Гемфиброзил және липидті төмендететін басқа да дәрілер
Розувастатин мен гемфиброзил бір мезгілде қабылдау розувастатин Сmах және AUC мәндерінің екі есе артуына алып келген. Өзара әрекеттесуін зерттеулердің деректерін негізге алсақ, фенофибраттармен фармакокинетикалық тұрғыдан маңызды өзара әрекеттесуі күтілмейді, дегенмен, фармакодинамикалық өзара әрекеттестік мүмкіндігін толықтай жоққа шығаруға болмайды. Гемфиброзил, фенофибрат, басқа да фибраттар мен ниациннің (никотин қышқылының) липидті төмендететін дозалары (тәулігіне 1 гнемесе одан көп дозалары) HMG-CoА редуктаза тежегіштерімен бір мезгілде қолданғанда,олардың монотерапия түрінде қолданған кезде де миопатияны туғызуы мүмкіндігінің есебінен, миопатияның туындау қаупін арттырған болуы ықтимал. Гемфиброзилмен және липидті төмендететін басқа да дәрілермен бірге қолданғанда 40 мг дозасын қолдануға болмайды. Аталған пациенттерде де емі5 мг дозасынан басталуы тиіс.
Эзетимиб
10 мг розувастатин мен 10 мг эзетимибті бір мезгілде қолдану гиперхолестеринемиясы бар пациенттерде розувастатиннің AUC 1,2 есе жоғарылауына алып келген (1 кесте). Алайда,розувастатин мен эзетимиб арасындағы жағымсыз реакциялармен көрініс беретін фармакодинамикалық өзара әрекеттесуді жоққа шығаруға болмайды.
Антацидтер
Розувастатин мен құрамында алюминий және магний гидроксиді бар антацидтер суспензиясын бір мезгілде қолдану розувастатиннің плазмалық концентрациясының шамамен 50%-ға төмендеуіне алып келеді., Егер антацидтер Роксера® препаратын қабылдаудан кейін 2 сағаттан соң қолданылса, бұл әсерінің айқындығы аздау болады. Мұндай өзара әрекеттесудің клиникалық тұрғыдан маңызы зерттелмеген.
Эритромицин
Розувастатин мен эритромицинді бір мезгілде қолдану розувастатиннің AUC 20 %-ға және розувастатиннің Сmах 30%-ға азаюына алып келеді. Мұндай өзара әрекеттесу эритромицинді қабылдаудан туындайтын ішек моторикасының күшеюінен туындауы мүмкін.
P450 цитохромы ферменттері
In vivo және in vitro зерттеулерінің нәтижелері розувастатиннің Р450 цитохромы ферменттерінің тежегіші де, индукторы да емес екенін көрсетті. Бұдан өзге, розувастатин осы ферментер үшін әлсіз субстрат болып табылады. Сол себепті, P450 цитохромы түрткі болған метаболизмі нәтижесінде дәрілердің өзара әрекеттесулері күтілмейді. Розувастатин мен флуконазол (CYP2C9 және CYP3A4 тежегіші) мен кетоконазол (CYP2A6жәнеCYP3A4 тежегіші) арасында клиникалық тұрғыдан маңызды өзара әрекеттесу білінбеген.
Розувастатиннің дозасын түзетуді қажет ететін өзара әрекеттесулері (1 кестені де қараңыз): егер Роксераны розувастатин экспозициясын арттыруға қабілетті басқа дәрілік препараттармен бір мезгілде қолдану қажет болса, Роксераның дозасын түзету керек. Егер экспозициясының күтілген жоғарылауы (AUC) шамамен 2 есе немесе одан жоғары болса, емдеуді Роксераның күнделікті 5 мг дозасынан бастау керек. Роксераның ең жоғарғы тәуліктік дозасы розувастатиннің күтілетін экспозициясы препаратпен өзара әрекеттесетін дәрілік заттардың қолданылуынсыз Роксераның 40 мг тәуліктік дозасынан аспайтындай қылып түзетілуі тиіс, гемфиброзилмен қолданылғанда Роксераның дозасы 20 мг құрайды (экспозициясы 1,9 есе жоғарылайды), ритонавир / атазанавир біріктіріліміменбір мезгілде қолданылғанда Роксераның дозасы 10 мг құрайды (3,1 есе жоғарылайды).
