Сипаттама
Дәрілік препаратты медициналық қолдану жөніндегі нұсқаулық
Саудалық атауы
ПроктозанÒ Нео
Халықаралық патенттелмеген атауы
Жоқ
Дәрілік түрі, дозасы
Ректальді суппозиторийлер
Фармакотерапиялық тобы
Жүрек-қантамыр жүйесі. Вазопротекторлар. Антиварикоздық ем. Жергілікті қолдануға арналған гепарин немесе гепариноидтар. Гепарин, біріктірілімдер.
АТХ кодыC05BA53
Қолданылуы
- сыртқы және ішкі геморройда
- артқы өтістің геморроидальді веналар тромбофлебитінде
- анус аймағындағы жыланкөздер, экзема және қышуда
- анус сызаттарында
- аноректальді аймақтағы оперативті араласуға даярлауда
- тромбталған немесе операция жасалған геморройдың кешенді емі құрамында
- препарат компоненттеріне аса жоғары сезімталдық
- терінің бактериялық, вирустық, зеңдік зақымдануы
- туберкулез
- мерез
- тері ісіктері
- қан кетуге бейімділік
- вакцина енгізуге реакциялар
- жүктіліктің I триместрі
- 12 жасқа дейінгі балаларға
- аллергиялық реакциялар, тері гиперемиясы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезінде қажетті сақтық шаралары
Басқа кортикостероидтармен емдеу кезіндегідей, сақтық танытқан жөн, препаратты ұзақ уақыт бойы қолданбау керек.
Басқа дәрілік препараттармен өзара әрекеттесуі
Басқа дәрілік заттармен өзара әрекеттестігі айқындалмаған.
Ректальді қолдануға арналған басқа препараттармен бір мезгілде қолдануға болмайды.
Арнайы ескертулер
Жүктілік немесе лактация кезінде қолдану
Жүктілік кезеңінде жергілікті кортикостероидты препараттарды қолдану қауіпсіздігі анықталмаған. Жарық таңдай және ұрықтың жатырішілік дамуының кідіруі сияқты эмбрион аномалиясы дамуына аздаған қаупі болады.
Препаратты жүктіліктің екінші және үшінші триместрінде, сондай-ақ лактация кезеңінде қабылдау тек дәрігердің тағайындауы бойынша, қауіп/пайда арақатынасын мұқият бағалаған соң ғана мүмкін болмақ.
Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Көлік құралдарын немесе қауіптілігі зор механизмдерді басқару қабілетіне әсер етпейді.
Қолдану жөніндегі нұсқаулар
Ректальді, дефекациядан кейін тік ішек қуысына 1 суппозиторийден тәулігіне 1-2 рет енгізеді. Емдеу курсы – 7 күн.
ПроктозанÒ Нео препаратын әрдайым Сізге емдеуші дәрігеріңіз ұсынғандай қолданыңыз. Егер Сіз препаратты дұрыс қолданғаныңызға күмән келтірсеңіз, дәрігерден кеңес алу қажет.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар
Жағымсыз дәрілік реакциялардың туындау жиілігі ДДҰ жіктемесіне сәйкес анықталған: өте жиі (>1/10), жиі (>1/100, ≤1/10), жиі емес (>1/1000, ≤1/100), сирек (>1/10000, ≤1/1000), өте сирек (1/10000 азырақ), жиілігі белгісіз (қолда бар деректер арқылы анықтау мүмкін емес).
Өте сирек
Ұзақ қолданған кезде жүйелік жағымсыз әсерлері болуы мүмкін
- тері атрофиясы
- сызаттардың регенерация үдерісінің баяулауы
- ісінулер
Егер кез келген жағымсыз әсер елеулі болса немесе Сіз осы нұсқаулықта көрсетілмеген қандай да бір жағымсыз әсерлерді байқасаңыз, бұл туралы дәрігерге немесе фармацевтке хабарлаңыз.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ
http://www.ndda.kz
Қосымша мәліметтер
Дәрілік препараттың құрамы
Бір суппозиторийдің құрамында
белсенді заттар - натрий гепарині, 120 ХБ,
преднизолон ацетаты, 1,675 мг,
полидоканол (макроголдың лаурил эфирі), 30 мг,
қосымша заттар: орташа тізбекті ұзындығымен триглицеридтер (Mygliol 812), сусыз коллоидты кремнийдің қостотығы, глицерол тристеараты, қатты май (Novata B).
Сыртқы түрінің, иісінің, дәмінің сипаттамасы
Пішіні конус тәрізді, ақ түсті суппозиторийлер.
Шығарылу түрі және қаптамасы
5 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамаға салынған.
2 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
Хемофарм А.Д. Вршац,
Шабац өндірістік алаң-филиалы, Сербия
15000 Шабац қ.,
Hajduk Veljkova н/ж
тел.: 13/803100
факс: 13/803424
Тіркеу куәлігінің ұстаушысы
Хемофарм А.Д. Вршац, Сербия
26300 Вршац қ.,
Белград жолы н/ж
тел.: 13/803100
факс: 13/803424
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ЕҰ «Нижфарм-Қазақстан» ЖШС
050011, Қазақстан Республикасы,
Алматы қ., Сүйінбай даңғылы, 258В үй
тел.: (727) 2222-100
факс: (727) 398-64-95
e-mail: almaty@stada.kz
