Офтолик 10 мл капли глазные

Сипаттама

Дәрілік затты медициналық қолдану

жөніндегі нұсқаулық

ОФТОЛИК

Саудалық атауы

Офтолик

Халықаралық патенттелмеген атауы

Жоқ

Дәрілік түрі

Көзге тамызатын дәрі

Құрамы

1 мл ерітіндінің құрамында

белсенді заттар: поливинил спирті - 14,00 мг,

повидон К 30 - 6,00 мг,

қосымша заттар: бензалконий хлориді, динатрий эдетаты, натрий хлориді, инъекцияға арналған су.

Сипаттамасы

Мөлдір, түссіз немесе сәл сарғыштау түсті ерітінді.

Фармакотерапиялық тобы

Сезім ағзалары. Офтальмологиялық препараттар. Басқа офтальмологиялық препараттар. Жасанды көз жасы және басқаиндифферентті препараттар.

АТХ коды S01ХА20

Фармакологиялық қасиеттері

Фармакокинетикасы

Препараттың плазмадағы концентрациясы әр көзге Офтоликтің екі тамшысын тамызғаннан кейін, пайдаланғаннан кейін 4 сағат ішіндемөлшерлік анықталу шегінен (10 нг/мл) төмен күйінде қалады. Бұл Офтолик көзге тамызатын дәрісін пайдаланғанда, препараттың көз беткейінен жүйелі сіңірілуінің жоғары еместігі туралы тұжырым жасауға мүмкіндік береді.

Фармакодинамикасы

Поливинил спирті мен повидон майлағыштық әсер береді, бұл көз беткейінің құрғақтығы мен тітіркенуін азайтады. Бұл заттар, көз беткейін оңай жаба отырып, онда құрғақ бөліктердің туындауын болдырмайды. Поливинил спиртінің конъюнктивадан өндірілетін муциннің қасиеттеріне ұқсас қасиеттері бар. Бұл көзді тыныштандырады, көз жасы үлбірі тығыздығын арттыру есебінен оның беткейін тегістейді.

Көз жасы сұйықтығының секрециясы төмендеген кезінде мөлдір қабыққа қорғағыштық әсер береді, көзге тамызатын дәрінің әсер ету ұзақтығын арттырады және мөлдір қабықты олардың тітіркендіргіштік әсерінен қорғайды.

Қолданылуы

- көз беткейінің құрғауынан туындаған шымылдатып ашыту, тітіркену және жайсыздық сезімінде

- көз жасы бездерінің функциясы бұзылған жағдайда көз жасын алмастырғыштар ретінде

- «құрғақ» көз синдромында немесе мөлдір қабықты жұмсарту мен ылғалдауды қажет ететін кез-келген басқа бұзылуларда

Қолдану тәсілі және дозалары

Екі көзге күніне 3-4 рет 1-2 тамшыдан.

Емдеу курсын дәрігер белгілейді.

Тамшыны көзге тамызар алдында қолыңызды жуыңыз.

Құтыны сілкіңіз және қақпағын алып тастаңыз. Бактериялардың түсуін болдырмас үшін, пипетканың ұшы теріге, көзге немесекез келген басқа беткейлерге тиіп тұрмағанына көз жеткізіңіз.

Басыңызды артқа шалқайтып, төменгі қабақты қолыңызбен кері тартыңыз, құтыны төңкеріңіз және тамшыны төменгі конъюнктива қалтасына тамызыңыз.

Жағымсыз әсерлері

Төмендегі жағымсыз әсерлердің пайда болу жиілігін деректердің жетіліксіздігіне байланысты анықтау мүмкін емес.

- қысқа мерзімді шымылдатып ашыту сезімі

- тамшы тамызғаннан кейін бірнеше минут ішінде көрудің уақытша тұрақсыздығы

- қышыну, бөртпе, көз айналасындағы қызару және тітіркену сияқты жергілікті аллергиялық реакциялар болуы мүмкін

- бөгде заттұру сезімі

- көздің ауыруы

- мөлдір қабық эпителийі өткізгіштігінің жоғарылауы

- көзден жас ағудың ұлғаюы

- көзден бөлінулер

- конъюнктива гиперемиясы

Қолдануға болмайтын жағдайлар

- препарат компоненттеріне жоғары сезімталдық

- көздің химиялық күйігінің жедел фазасы

- 8 жасқа дейінгі балаларға

Дәрілермен өзара әрекеттесуі

Поливинил спирті екіншілікгидроксидтер тобымен күрделі заттарға тән (күрделі эфир түзу) реакцияға түседі. Заттар күшті әсер ететін қышқылда ыдырайды және әлсіз қышқылдар мен сілтілерде жұмсарады немесе ериді. Бұл зат жоғары концентрацияланған бейорганикалық тұздармен, әсіресе сульфаттармен немесе фосфаттармен үйлесімсіз; поливинил спиртінің 5% шөгіндісінің түзілуі фосфаттармен реакциядан туындауы мүмкін. Поливинил спиртінен гельдің түзілуі бурамен реакциясынан туындауы мүмкін.

Повидон ерітіндісі көптеген бейорганикалық тұздармен, табиғи және синтетикалық шайырлармен және басқа да заттармен үйлесімді. Сульфатиацилмен, салицилаттармен, фенобарбиталмен, таннинмен және басқа дәрілермен араластырғанда молекулалық қосылыс өнімін түзеді. Тиомерсалға ұқсас дәрілердің тиімділігін төмендетеді.

Айрықша нұсқаулар

Егер көзге тамызатын дәріні қолданғаннан кейін түстік реңдер өзгерсе немесе көз алды буалдырланса, пайдалануға болмайды.

Егер ерітінді түсін өзгертсе немесе лайланса, пайдалануға болмайды.

Офтолик препаратымен емдеу кезінде емдеуші дәрігерге алдын ала қаралып алмай, көзге арналған басқапрепараттарды қолдануға болмайды.Егер пациентте көздің ауыруы, қызаруы немесе тітіркенуі болса препаратты пайдалануды тоқтатып және оның жай-күйі нашарлап немесе ол 72 сағаттан астам уақыт бойы сақталса дәрігерге қаралу керек.

Көзге тамызатын дәрінің құрамында бензалконий хлориді бар, сондықтан тамшы дәріні пайдаланғаннан кейін жанаспалы линзаларды 20 минут бойы тағуға болмайды.

Тамызғаннан кейінқұтыны дереу және тығыз жабу қажет.

Кездейсоқ жұтып қойған жағдайда, дәрігерге көрініңіз.

Педиатрияда қолданылуы

Препараттың 8 жасқа дейінгі балаларда қолданылу тәжірибесінің жоқтығын ескере отырып, аталған препаратты бұл жас тобындағыларға пайдалану ұсынылмайды.

Жүктілік және лактация кезінде қолданылуы

Зерттелмеген. Жүктілік және лактация кезінде тек анасы үшін пайдасы шарана мен бала үшін ықтимал қауіптен асатын жағдайларда ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тамызғаннан кейін бірден көру жітілігінің қысқа мерзімге төмендеуі мүмкін болғандықтан, автокөлікті басқаруды немесе механизмдермен жұмысты бастар алдында көру жітілігі толығымен қалпына келгенше күте тұру қажет.

Артық дозалануы

Препараттың артық дозаланған жағдайлары белгісіз

Шығарылу түрі және қаптамасы

10 мл препараттан бұрандалы қақпақшасы бар пластик тамшылатқыш құтыларға салынған. Құтыға өздігінен желімделетін қағаз заттаңба жапсырылады.

Әр құты медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 25° С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

3 жыл

Құтыны ашқаннан кейінгі қолданылу кезеңі 45 тәулік.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші/Қаптаушы

СЕНТИССФАРМА Пвт. Лтд. , 212/Д-1, Грин Парк, Нью Дели, Үндістан

Зауытта: ВиллиджКхера Нихла, Техсил Налагарх, р-н Солан, Химачал Прадеш 174 101, Үндістан

Тіркеу куәлігінің ұстаушысы

СЕНТИСС ФАРМА Пвт. Лтд., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы, 050000, Алматы қ., Бөгенбай батыр к-сі 132,

309 кеңсе.

Тел./факс: +7 (7272) 96-45-99,

Email: sentiss_kz@land.ru

Дәріханалар

Қалалар