Миконаз 2% 20 г крем

Сипаттама

Дәрілік препаратты медицинада қолданылуы

жөніндегі нұсқаулық

Миконаз

Саудалық атауы

Миконаз

Халықаралық патенттелмеген атауы

Миконазол

Дәрілік түрі

Крем 2 %

Құрамы

100г кремнің құрамында

белсенді зат - 2 г миконазол нитраты

қосымша заттар: полиэтиленгликоль 1000,цетостеарил спирті, метилпарагидроксибензоат, пропилпарагидроксибензоат, сұйық парафин, вазелин, тазартылған су

Сипаттамасы

Бөгде қосылыстарсыз, тез таралатын, иіссіз, біртекті, жұмсақ, ақ крем.

Фармакотерапиялық тобы

Дерматология. Тері ауруларын емдеуге арналған зеңге қарсы препараттар.Жергілікті қолдануға арналған зеңге қарсы препараттар.

Имидозол және триазол туындылары. Миконазол.

АТХкоды D01AC02

Фармакологиялық қасиеттері

Миконазтүрлі-түсті теміреткі қоздырғышы Malassezia furfur мен Candida текті түрлерін, дерматофиттерді қоса (Trichophyton rubrum, Trichophyton mentagrophytes және Epidermophyton floccosum), зеңге қарсы кең ауқымды белсенділікке ие сыртқа қолдануға арналған миконазол нитраты препараты болып табылады.

Зеңге қарсы белсенділіктен бөлек Миконаз бактерияға қарсы стафилококктар мен стрептококктарды қосаграмоң кокктар мен бацилаларға қарсы белсенділікке ие. Бактерияға қарсы әсері белсенді ингредиенттің жасуша жарғақшаларының өткізгіштігін өзгерту және жасушаішілік энзимдер әсерін бұзу қабілеттілігімен түсіндіріледі, бұл ақырында жасуша некрозына әкеледі.

Препаратпен емдеген кезде симптоматикалық жақсару көптеген емделушілерде алғашқы 2-3 күнде-ақ басталады.

Қолданылуы

Грамоң бактериялар туғызған суперинфекцияларды, терінің және тырнақтың зеңдік инфекцияларын емдеуге арналған.

Қолдану тәсілдері және дозалары

Сыртқа қолдануға арналған.

Ұсынылған доза:

Терінің зеңдік инфекциялары: аздаған кремді зақымдалған бөлікке күніне екі рет жағыңыз. Кремді теріге толық сіңгенге дейін саусағыңызбен жағыңыз. Егер ұнтақ креммен қолданылса, екі дәрілік препаратты күнделікті бір реттен қолдану ұсынылады.

Терапияның ұзақтығы зақымданудың орны мен ауырлығына байланысты 2-ден 6 аптаға дейін болады.

Емдеуді барлық белгілер мен симптомдар жоғалғаннан кейін кем дегенде бір апта бойы жалғастыру керек.

Тырнақ инфекциялары: кремді зақымдалған бөліктерге күніне бір немесеекі рет жағу керек.

Қайталануды болдырмас үшін барлық зақымдалған бөліктер жазылғаннан кейін емді 10 күн жалғастыру керек.

Жағымсыз әсерлері

-аллергиялық жанаспалы дерматит, бөртпе, эритема, қышыну, терінің күйдіруі, есекжем, қызару

Өте сирек

-анафилактикалық реакциялар, жоғары сезімталдық, ангионевроздық ісіну

- кремді қолданған кезде тері мацерациясы дамуы мүмкін, әсіресе интертригинозды аумақтарға (әйелдерде сүт бездерінің астына, қолтыққа, шап аумағына, саусақтардың арасына) қайталап жаққанда

Қолдануға болмайтын жағдайлар

- ауыр дәрежедегі бауыр және/немесе бүйрек жеткіліксіздігі

- қант диабеті

- микроциркуляторлық қан айналымның бұзылуы

- герпестік қызба (герпес)

- жүктіліктің ІІ және ІІІ триместрі (жергілікті қолдануға арналған)

- 12 жасқа дейінгі балалар

- миконазолға және қосымша заттарға аса жоғары сезімталдық

- тері жабындарының герпестік инфекциясы

Дәрілермен өзара әрекеттесуі

Миконазол фенитоиннің, жанама антикоагулянттың, пероральді гипогликемиялықпрепараттардың әсерін күшейтеді.

Айрықша нұсқаулар

Жүктілік және лактация кезеңі

Миконаз сыртқа қолданылғанда іс жүзінде қанға сіңбейді және оны жүктілікте және емшек емізу кезінде қолдануға болады.

Препаратты көзге тигізбеуге тырысу керек.

Тырнақ пластиналары зақымдалған кезде тырнақты барынша қысқа кеседі.

Аяқты емдеу үшін бақайлар арасына мұқият жағу керек.

Интертригинозды аумақтарды емдеу үшін тері мацерациясын болдырмау үшін сеппені пайдаланған дұрыс.

Дерматофиттермен, грамоң бактериялармен ауқымды зақымдануларда немесе ауқымды кандидомикоздардаМиконазды қолданумен қатар зеңге қарсы немесе бактерияға қарсы дәрілерді жүйелі қолдану қажет болуы мүмкін.

Препараттың автокөлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Симптомдары

Теріге қолданғанда: шамадан тыс қолдану терінің тітіркенуіне әкелуі мүмкін, ол емді тоқтатқаннан кейін әдетте жоғалады.

Кездейсоқ жұтып қойса: асқазанның тітіркенуі мүмкін.

Емі: Миконаз 2% кремі сыртқы қолдануға арналған, ол пероральді қолдануға арналмаған.Препараттың көп мөлшерін кездейсоқ қабылдаған жағдайда тиісті демеуші күтім жасау керек.

Шығарылу түрі және қаптамасы

20 г-ден лакталған алюминий сықпаға салынған.

Әр сықпаны медицинада қолданылуы жөніндегі қазақ және орыс тілдеріндегі нұсқаулықпен бірге картон қорапқа салады.

Сақтау шарттары

30º С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші ұйымның атауы және елі

«Медикал Юнион Фармасьютикалс», Мысыр

Тіркеу куәлігі ұстаушысының атауы және елі

«Медикал Юнион Фармасьютикалс», Мысыр

Қаптаушы ұйымның атауы және елі

«Медикал Юнион Фармасьютикалс», Мысыр

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

Қазақстан Республикасындағы «Медикал Юнион Фармасьютикалс» компаниясының өкілдігі

Алматы қ., Марков к-сі 61/1, 3 блок, 2 қабат

Тел.: 8 (727) 224 27 14, 8 (727) 224 27 19,

e-mail: mupkz.al@gmail.com

Дәріханалар

Қалалар