Лонгидаза лиоф.р-р 3000 МЕ № 5 флакон
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Лонгидаза лиоф.р-р 3000 МЕ № 5 флакон

15429
Қолжетімділігі
Сатылымда бар
Үлгі
4607035392436
Елі
Россия
Өндіруші
Петровакс Фарм НПО ООО
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Лонгидаза®

Халықаралық патенттелмеген атауы

Бовгиалуронидаза азоксимер

Дәрілік түрі, дозалануы

Қынаптық және ректальді суппозиторийлер, 3000 ХБ

Фармакотерапиялық тобы

Басқа да препараттар. Басқа емдік препараттар, барлығы. Басқа дәрілік препараттар.

АТХ коды V03AX

Қолданылуы

Дәнекер тінінің гиперплазиясымен қоса жүретін ауруларда, соның ішінде қабыну үдерісі аясында ересектерге монотерапия түрінде немесе кешенді ем құрамында:

- урологияда: созымалы простатит, интерстициальді цистит, уретра және несепағар стриктуралары, Пейрони ауруы, қуықасты бездерінің қатерсіз гиперплазиясының бастапқы сатысы, уретраға, қуыққа, несепағарға операциялық араласымнан кейін тыртықтардың және стриктуралардың түзілуінің профилактикасы;

- гинекологияда: ішкі жыныс ағзаларының созылмалы қабыну ауруларында кіші жамбастағы дәнекерлеу үдерісі (профилактика және емдеу), гинекологиялық манипуляциялардан, соның ішінде бұрын кіші жамбас ағзаларына операциялық араласым жасалған жасанды түсіктерден кейін; жатырішілік синехиялар, түтіктік-перитонеальді бедеулік, созылмалы эндомиометрит;

- дерматовенерологияда: шектеулі склеродермия, жыныстық жолмен жұғатын инфекциялардың фиброздық асқынуларына профилактика;

- хирургияда: құрсақ қуысының ағзаларына операциялық араласымнан кейін дәнекерлену үдерісінің профилактикасы және емі; жараның ұзақ уақыт жазылмауы;

- пульмонологияда және фтизиатрияда: пневмофиброз, сидероз, туберкулез (кавернозды-фиброзды, инфильтративті, туберкулема), интерстициальді пневмония, фиброзданатын альвеолит, плеврит;

- урологияда, гинекологияда, дерматовенерологияда, хирургияда, пульмонологияда және басқаларында бактерияларға қарсы емнің биожетімділігін арттыру үшін.

Қолдануды бастағанға дейінгі қажетті мәліметтер тізімі

Қолдануға болмайтын жағдайлар

- гиалуронидаза негізінде препараттарға аса жоғары сезімталдық

- өкпеден қан кету және қан түкіру

- шыны тәріздес денеге жаңадан қан құйылу

- қатерлі жаңа түзілімдер

- бүйрек функциясының жедел жеткіліксіздігі

- бала жасында (клиникалық зерттеу нәтижелері жоқ)

- жүктілік және емшек емізу кезеңі

Сақтықпен

Анамнезінде бүйректің созылмалы ауруы, өкпеден қан кетулер болған науқастарда сақтықпен, аптасына 1 реттен асырмай қолдану керек.

Басқа дәрілік препараттармен өзара әрекеттесулері

Лонгидаза® препаратын антибиотиктермен, вирустарға қарсы, зеңдерге қарсы препараттармен, бронхолитиктермен біріктіруге болады. Басқа дәрілік заттармен (антибиотиктер, жергілікті анестетиктер, диуретиктер) біріктіріп қолданғанда Лонгидаза® олардың биожетімділігін арттырады және әсерін күшейтеді. Гепаринмен, қабынуға қарсы стероидты емес дәрілердің (ҚҚСД), кортизонның, адренокортикотроптық гормонның (АКТГ), эстрогендердің немесе антигистаминдік препараттардың үлкен дозаларымен бірге қолданғанда Лонгидаза® препаратының ферментативтік белсенділігі төмендеуі мүмкін.

Лонгидаза® препаратын фуросемидпен, бензодиазепиндермен, фенитоинмен және адреналинмен бір мезгілде қолданбау керек.

Арнайы ескертулер

Препаратты қабылдаған кезде нұсқаулықта берілген нұсқауларды мүлтіксіз орындаңыз.

Егер сізде сұрақтар туындаса, онда түсінік алу үшін өз дәрігеріңізге немесе фармацевтке барыңыз.

Аллергиялық реакциялар дамыған кезде Лонгидаза® препаратын пайдалануды доғару керек.

Инфекция ошақтарының өршуі аясында қолданғанда, оның таралуына жол бермеу үшін, Лонгидаза® препаратын микробтарға қарсы заттарды қалқалай отырып тағайындау қажет.

Сіңуінің болжамсыз тездетілуі және жүйелік әсерінің артуы мүмкін болғандықтан, сақтық таныту және Лонгидаза® препаратымен біріктіріп тағайындалатын дәрілік заттардың фармакокинетикалық сипаттамасын ескеру қажет.

Жағымсыз реакциялар пайда болғанда, сондай-ақ медициналық қолданылуы жөніндегі нұсқаулықта айтылмаған жағымсыз реакциялар пайда болғанда емдеуші дәрігерге қаралу қажет.

Жарамсыздығының көзге көрінетін белгілері бар (қаптаманың бүлінуі, суппозиторий түсінің өзгеруі) препаратты пайдаланбау керек.

Препараттың кезекті дозасын өткізіп алған жағдайда әрі қарай әдеттегі режимде қолдану керек (екі еселенген доза енгізуге болмайды).

Лонгидаза® препаратын қабылдауды тоқтату қажет болғанда, дозаны біртіндеп азайтусыз, бірден тоқтату арқылы жүзеге асыруға болады.

Көлік құралын немесе потенциалды қауіпті механизмдерді басқару қабілетіне ықпал ету ерекшеліктері

Лонгидаза® препаратын қолдану көлік құралдарын басқару, механизмдермен қызмет көрсету қабілетіне және жоғары зейін қоюды және психомоторлы реакциялардың жылдамдығын қажет ететін басқа да жұмыс түрлеріне ықпалын тигізбейді.

Қолдану жөніндегі нұсқаулар

Дозалау режимі

Ересектерге ректальді: ішекті тазартқаннан кейін тәулігіне 1 рет 1 суппозиторийден.

Ересектерге қынап ішіне: жатқан қалыпта қынапқа тәулігіне (түнге қарай) 1 рет 1 суппозиторийден енгізіледі.

Енгізу сызбасы аурудың ауырлығына, сатысына және ұзақтығына байланысты түзетіледі: Лонгидаза® күнара немесе 2-3 күн үзіліспен тағайындалады.

- урологияда: күнара 1 суппозиторийден 10 күн енгізу, әрі қарай 2-3 күн сайын 10 енгізу, жалпы курсы 20 суппозиторий.

- гинекологияда: ректальді немесе қынап ішіне 2 күн сайын 1 суппозиторийден 10 енгізу, әрі қарай қажеттілік болғанда демеуші ем тағайындалады.

- дерматовенерологияда: 1-2 күн сайын 1 суппозиторийден 10-15 енгізу.

- хирургияда: 2-3 күн сайын 1 суппозиторийден 10 енгізу.

- пульмонологияда және фтизиатрияда: 2-4 күн сайын 1 суппозиторийден 10-20 енгізу.

Енгізу әдісі және жолы

3000 ХБ Лонгидаза® суппозиторийлері 10-нан бастап 20 енгізуге дейінгі курспен, тәулігіне бір рет түнге қарай ректальді немесе қынаптық қолдану үшін ұсынылады.

Емдеу ұзақтығы

Қажет болған кезде Лонгидаза® препаратының курсын кем дегенде үш айдан кейін қайталау немесе ұзақ уақыт демеуші ем ретінде 3-4 ай бойы 5-7 күнде 1 рет 1 суппозиторийден ұсынылады.

Артық дозалану жағдайында қабылдау қажет шаралар

Артық дозалану симптомдары қалтыраумен, температураның жоғарылауымен, бас айналумен, гипотензиямен көрініс беруі мүмкін. Препаратты енгізуді тоқтатады және симптоматикалық ем тағайындайды.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз реакцияларының жиілігі келесі жіктеме бойынша берілген:
өте жиі ≥ 10 %; жиі≥ 1 % және < 10%; жиі емес ≥ 0,1 % және < 1 %; сирек ≥ 0,01 % және < 0,1 %; өте сирек < 0,001 %.

Өте сирек: препарат компоненттеріне жекелей сезімталдығына байланысты қызару, ісіну, перианальді аймақтың қышуы, қынаптық қышыну сияқты жергілікті реакциялар.

Егер Сіз қандай да болсын жағымсыз әсерлерді байқасаңыз, мұны дәрігерге хабарлаңыз.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір суппозиторийдің құрамында

белсенді зат: бовгиалуронидаза азоксимер (Лонгидаза®) – 3000 ХБ,

қосымша зат: какао тұқымының майы (какао майы) – салмағы 1.3 г суппозиторий алынғанша.

Сыртқы түрінің, иісінің, дәмінің сипаттамасы

Какао майының өзіне тән әлсіз иісі бар, ақшыл-сары түсті, торпедо пішінді суппозиторийлер, мәрмәр өңді болуы да мүмкін. Көлденең кесіндісінде ауа стержені немесе шұңғыма тәріздес үңгісі бар.

Шығарылу түрі және қаптамасы

Поливинилхлоридті үлбірден жасалған пішінді ұяшықты қаптамаға 5 суппозиторийден салынған.

Пішінді ұяшықты 1, 2 немесе 4 қаптама медициналық қолдану жөнінде қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

1 жыл.

Жарамдылық мерзімі өткеннен кейін қолдануға болмайды.

Сақтау шарттары

15°С-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«НПО Петровакс Фарм» ЖШҚ, Ресей

Заңды мекенжайы:

Ресей, 142143, Мәскеу обл., Подольск қ., Покров ау., Сосновая к-сі, 1 үй

Тел./факс: +7 (495) 926-21-07

E-mail: info@petrovax.ru

Тіркеу куәлігінің ұстаушысы

«НПО Петровакс Фарм» ЖШҚ, Ресей

Заңды мекенжайы:

Ресей, 142143, Мәскеу обл., Подольск қ., Покров ау., Сосновая к-сі, 1 үй

Тел./факс: +7 (495) 926-21-07

E-mail: info@petrovax.ru

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс жасау деректері (телефон, факс, электронды пошта):

Мекенжайы:

«КФК Медсервис Плюс» ЖШС

Қазақстан Республикасы, Алматы қ., Мәметова к-сі, 54

Телефон:

+7(727) 279-86-02

Факс:

+7(727) 279-98-21

Қазақстан Республикасы аумағында тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды пошта):

"ИнтерФармасьютикал" ЖШС, Қазақстан Республикасы

483110, Қаскелең қ., Бокин к-сі, 58

Телефон: 8-800-777-86-04; +7 (495)730-75-45, 8 (800) 234-44-80

Электронды пошта: adversereaction@drugsafety.ru

adr@petrovax.ru

Дәріханалар

Тауар артығымен бар
Тауар аз қалды
Аптека №218
ул.Айтеке би 61
09:00-22:00
Аптека №215
ул.Айтеке би 6Б
09 00- 22 00