Гепа-мерц конц-т д/приг.р-ра д/инфузий 10 мл № 10 амп

Сипаттама

Дәрілік затты медициналық қолдану жөніндегі нұсқаулық

Гепа-Мерц

Саудалық атауы

Гепа-Мерц

Халықаралық патенттелмеген атауы

жоқ

Дәрілік түрі

Инфузия үшін ерітінді дайындауға арналған концентрат, 10 мл

Құрамы

10 мл концентраттың құрамында

белсенді зат – 5.00 г L-орнитин-L-аспартат,

қосымша зат: инъекцияға арналған су

Сипаттамасы

Түссізден бозғылт-сары түске дейінгі мөлдір ерітінді

Фармакотерапиялық тобы

Ас қорыту жолы және зат алмасу. Бауыр және өт шығару жолдарының ауруларын емдеуге арналған препараттар. Бауыр ауруларын емдеуге арналған препараттар.

АТХ коды А05ВА

Фармакологиялық қасиеттері

Фармакокинетикасы

Орнитин аспартат элиминациясының кезеңі қысқа - 0,3-0,4 сағат.

Мочевина түзілу циклы арқылы несеппен шығарылады.

Фармакодинамикасы

Организмде, атап айтқанда бауыр аурулары кезінде аммиактың жоғары деңгейін төмендетеді. Препараттың әсері оның Кребстің орнитинді циклына (аммиактан мочевинаның түзілуі) қатысуымен байланысты. Инсулин мен соматотропты гормонның өндірілуіне ықпал етеді. Парентеральді қоректендіруді талап ететін аурулар кезінде ақуыздар алмасуын жақсартады.

Қолданылуы

• бауыр энцефалопатиясында (латентті және айқын білінетін)

Қолдану тәсілі және дозалары

Вена ішіне тәулігіне 40 мл-ге (4 ампула) дейін, ампулалардың ішіндегісін 500 мл инфузиялық ерітіндіде еріте отырып құяды.

Естен танудың (прекома) және сананың көмескіленуінің (кома) бастапқы симптомдары кезінде, жағдайдың ауырлық дәрежесіне байланысты, тәулігіне 80мл (8 ампула) дейін енгізеді.

Инфузияның ұзақтығы, емдеудің жиілігі мен ұзақтығыжекелей белгіленеді.

Вена ішіне енгізілуінің ең жоғарғы жылдамдығы – сағатына 5 г (1 ампуланың ішіндегіге сәйкес келеді).

500 мл инфузиялық ерітіндіде 60 мл-ден (6 ампула)артық ерітуге болмайды!

Инфузиялық ерітінді ретінде изотониялық ерітінді, глюкоза ерітіндісі немесе Рингер ерітіндісі пайдаланылады.

Жағымсыз әсерлері

Өте жиі (≥1/10); Жиі (≥1/100, <1/10);Кейде (≥1/1000, <1/100)

- жүрек айнуы

Сирек (≥1/10000, <1/1000); Өте сирек (<1/10000)

- құсу

- анафилаксиялық реакциялар

Көрсетілген жағымсыз әсерлері өтпелі болып табылады және препаратты тоқтатуды қажет етпейді. Олар туындаған жағдайда препараттың дозасы мен енгізу жылдамдығын төмендету керек.

Қолдануға болмайтын жағдайлар

- L-орнитин-L-аспартатқа аса жоғары сезімталдық

- креатинин клиренсі 3 мг/100 мл артық кездегі бүйрек жеткіліксіздігі.

Дәрілермен өзара әрекеттесуі

Анықталмаған.

Айрықша нұсқаулар

Гепа-Мерц инфузиялық ерітінділерін дайындауға арналған концентраттың жоғары дозалары кезінде, қан сарысуы мен несептегі мочевина деңгейін бақылап отыру керек.

Бауыр функциясының елеулі бұзылуы кезінде жүрек айнуы мен құсуды болдырмас үшін, құю жылдамдығын жекелей таңдау керек.

Педиатрия

Препараттың балалар тәжірибесінде қолданылуы туралы нақты деректер жоқ.

Жүктілік жәнелактация

Жүктілік кезеңінде анасы мен шарана үшін пайда/қауіп арақатынасын ескере отырып сақтықпен қолдану керек.

Препаратты лактация кезеңінде тағайындау қажет болса, бала емізуді тоқтату мәселесін шешіп алу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшелігі

Ауру ағымына байланысты көлік құралын немесе қауіптілігі зор механизмдерді басқару қабілеті нашарлауы мүмкін.

Артық дозалануы

Симптомдары: жағымсыз әсерлердің күшеюі.

Емі: симптоматикалық.

Шығарылу түрі және қаптамасы

10 мл препараттан түрлі-түсті таңбалағыш сақиналары мен ақ нүктесі бар қоңыр түсті ампулаларға құйылған.

10 ампуладан медициналық қолдану жөніндегі мемлекеттік және орыс тілдеріндегі нұсқаулықпен бірге, ПВХ-дан жасалған, бес мәрте сегменттелген,картон бөлгіші бар блистерлік қаптамаға немесе қақпағы қайырылатын негізгі бөлігіне жалғанған біріктірілген картон астары бар жиналмалы картон қорапқа салынған.

Қақпағы қайырылатын жиналмалы картон қорапқа рұқсатсыз ашылуынан қорғағыш ретінде, 3 жерден желімденіп жапсырма жабыстырылады.

Сақтаушарттары

Жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Cақтаумерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Мерц Фарма ГмбХ және Ко.КГаА

Франкфурт-на-Майне, Германия

Тел: +49-69-1503-0, факс: +49-69-1503-200, e-mail: info@merz.de

Тіркеу куәлігінің иесі

Мерц Фармасьютикалс ГмбХ, Франкфурт-на-Майне, Германия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

Қазақстан Республикасы Алматы қаласындағы «Х.Аббе Фарма ГмбХ»

(H.Abbe Pharma GmbH) компаниясының өкілдігі.

050002, Алматы қ., Жібек Жолы к-сі 64/47, 618А кеңсе

Эл. поштасы: info@abbe-pharma.kz

Дәріханалар

Қалалар