Гексаспрей 2,5% для местного применения 30 гр аэрозоль

Сипаттама

Дәрілік препаратты медициналық қолдану

дәрілік препарат (қосымша парақ)

Саудалық атауы

Гексаспрей^®

Халықаралық патенттелмеген атауы

Жоқ

Дәрілік түрі, дозасы

Жергілікті қолдануға арналған аэрозоль, 2,5%

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Тамақ ауруларын емдеуге арналған препараттар. Антисептиктер. Фенол.

АТХ коды R02AА19

Қолданылуы

Биклотимолға сезімтал қоздырғыштар туындатқан ауыз қуысының, жұтқыншақтың, көмейдің инфекциялық-қабыну ауруларында.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

- 3 жасқа дейінгі балалар

Қолдану кезіндегі қажетті сақтық шаралары

Ерекше сақтық шаралары

Ингаляция кезінде құтыны тік ұстау керек. Қолданар алдында құтыны шайқаңыз.

Препаратты 5 күннен аса ұзақ уақыт қолдану негізсіз болып табылады, сонымен қатар ол бактериялық немесе зеңдік зақымданулардың даму қаупі болатын ауыз қуысының қалыпты микрофлорасын бұзуы мүмкін.

Бес күндік емдеу курсы аяқталғаннан кейін ауру симптомдары болған жағдайда және / немесе дене температурасы көтерілген жағдайда емдеу тактикасы қайта қаралуы тиіс.

Емдеу кезеңінде өзара әрекеттесу мүмкіндігін (антагонизм/ үйлесімсіздік, инактивация) ескере отырып, басқа антисептиктерді бір мезгілде немесе жүйелі қолданудан аулақ болу керек.

Басқа дәрілік препараттармен өзара әрекеттесуі

Басқа жергілікті антисептиктерді бір мезгілде қолданудан аулақ болу керек.

Арнайы ескертулер

Жүктілік немесе лактация кезінде

Жануарларда тератогендік әсердің болуы туралы сенімді деректер жоқ. Осы уақытқа дейін препаратты қолдану кезінде әйелдерде қандай да бір тератогендік және фетоуыттылық әсері клиникалық түрде анықталмаған. Дегенмен, биклотимолмен емделген әйелдерде жүргізілген жүктілік ағымының мониторингі ықтимал қатерлерді жоққа шығару үшін жеткіліксіз болып табылады.

Сақтандыру шарасы ретінде биклотимолды қолданбаған жөн.

Кез келген дәрілік препараттарды қабылдар алдында дәрігермен немесе фармацевтпен кеңесіңіз.

Қосымша заттар туралы арнайы ақпарат

Препарат құрамында бір дозаға 100 мг-ден аздау этил спиртінің елеусіз мөлшері бар.

Препаратта метилпарагидроксибензоат (E218) және соя лецитинінің болуына байланысты аллергиялық реакциялардың, оның ішінде баяу типінің дамуы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қатысты емес.

Қолдану бойынша ұсынымдар

Дозалау режимі

Ересектер мен 3 жастан асқан балаларға жергілікті: күніне 3 рет 2 бүркуден тамақтануға байланыссыз қолданылады.

Енгізу әдісі мен жолы

Препарат жергілікті қолдануға арналған.

Әр қолданар алдында сілку керек.

Бүрку үшін, ұштықтың ұшын жай ғана ширек айналымға бұраңыз, құтыны тігінен ұстап, бүрку керек.

Емдеу ұзақтығы

Емдеу бес күннен аспауы тиіс.

Артық дозалану жағдайында қабылдануы қажет шаралар

Артық дозалану жағдайлары анықталмаған.

Дәрілік препаратты қолдану тәсілін түсіндіру үшін медицина қызметкердің кеңесіне жүгіну бойынша ұсынымдар

Осы дәрілік препаратты қолдану бойынша қосымша сұрақтар туындаған жағдайда дәрігермен немесе фармацевтпен кеңесу керек.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Тері және тері асты тіндері тарапынан бұзылулар

Өте сирек

- аллергиялық реакциялар: еріннің ісінуі, уртикария (есекжем), тері бөртпелері, эритема, Квинке ісінуі.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

30 г препараттың құрамында

белсенді зат - биклотимол 0,7500 г

қосымша заттар: бензил спирті, ЭДТА динатрий тұзы, метилпарагидроксибензоат, жұлдызды анис майы, аммоний глицирризинаты, натрий сахарині, AVICEL RC 591 (микрокристалды целлюлоза және натрий карбоксиметилцеллюлозасы), соя лецитині, глицерин, 95% этил спирті, тазартылған су.

Сыртқы түрінің, иісінің, дәмінің сипаттамасы

Аниске тән иісі бар, сарғыш реңді ақ түсті біртекті суспензия.

Шығарылу түрі және қаптамасы

30 г препараттан сыртынан поливинилхлоридті пластикпен қапталған, бүріккіш клапаны бар пластик қақпақпен тығындалған шыны құтыға (3 типті шыны) салынады.

Құтыны медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салады.

Сақтау мерзімі

5 жыл.

Жарамдылық мерзімі өткеннен кейін қолдануға болмайды!

Сақтау шарттары

25ºС-ден аспайтын температурада.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

BOUCHARA RECORDATI/БУШАРА РЕКОРДАТИ

IMMEUBLE LE WILSON 70 AVENUE DU GENERAL DE GAULLE 92800 Puteaux

Тіркеу куәлігінің ұстаушысы

BOUCHARA RECORDATI / БУШАРА РЕКОРДАТИ

IMMEUBLE LE WILSON 70 AVENUE DU GENERAL DE GAULLE 92800 Puteaux

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«FIC MEDICAL» (ФИК МЕДИКАЛЬ) ЖШС Қазақстан Республикасындағы өкілдігі, Төле би к-сі, 69, 33-кеңсе, 050000, Алматы қ., Қазақстан Республикасы

тел.: +7 (727) 272 93 08, факс: +7 (727) 272 90 25

e-mail: fic_kz@ficmedical.kz

Қалалар