Сипаттама
Дәрілік заттың медицинада
қолданылуы жөніндегі
нұсқаулық
Фолий қышқылы
Саудалық атауы
Фолий қышқылы
Халықаралық патенттелмеген атауы
Фолий қышқылы
Дәрілік түрі
1мг таблеткалар
Құрамы
Біртаблетканың құрамында
белсенді зат - 1 мг фолий қышқылы
қосымша заттар: лактоза, микрокристалды целлюлоза, магний немесе кальций стеараты, аэросил (кремнийдің қостотығы),крахмал
Сипаттамасы
Бозғылт-сарыдан сары түске дейінгі екі беті дөңес дөңгелек таблеткалар.
Фармакотерапиялық тобы
Гемопоэз стимуляторлары. Фолий қышқылы және оның туындылары. Фолий қышқылы
АТХ коды В03ВВ01
Фармакологиялық қасиеттері
Фармакокинетикасы
Фолий қышқылы ішке қабылданғаннан кейін асқазанда спецификалық гликопротеинмен қосылып, он екі елі ішектің жоғарғы бөлігінде сіңеді. Плазма ақуыздарымен толық дерлік байланысады. Қандағы ең жоғары концентрациясына 30-60 мин кейін жетеді. Гемато-энцефалдық бөгет арқылы, плацентке және емшек сүтіне өтеді. Бауырда дигидрофолатредуктаза ферменті әсерімен тетрагидрофолий қышқылына айнала отырып, белсенділенуге ұшырайды. Бүйрекпен өзгермеген түрде де, сондай-ақ метаболит түрінде де экскрецияланады.
Фармакодинамикасы
Организмде фолий қышқылы кофермент болып табылатын, метаболизмдік үдерістерге қатысатын тетрагидрофолий қышқылына дейін қалпына келеді.
Мегалобластардың пісіп-жетілуі үдерістерін және олардың нормобластқа трансформациясын қоса, қан жасушаларының қалыпты түзілуі үшін керек. Пурин және пиримидиндік негіз синтезіне, ДНҚ және РНҚ, ақуыздар синтезіне, амин қышқылына (метионин, серин), холин алмасуына қатысушы ферменттер кофакторы болып табылады. Фолий қышқылының жасуша бөліну үдерістерінде маңызы зор, бұл белсенді бөлінетін және дифференцияланатын тіндер үшін ерекше маңызды; ақуыздар тобыныңжәне гемнің гемоглобинде және миоглобинде бірігуіне ықпал етеді. Қорыта келе, барлық органдар мен тіндерде эритро-, лейко- және тромбоцитопоэз, пластикалық және регенераторлықүдерістерді стимуляциялайды. Фолий қышқылы жетіспеушілігі қан түзілуінің мегалобластық фазасының нормобластыққа өтуін тежейді және мегалобластық анемияға алып келеді (эритроциттер көлемінің артуы).
Қолданылуы
- мегалобласты анемияда
- дәрілік және радиациялық анемия және лейкопенияда
- пострезекциялық анемияда
- спру
- фолий қышқылы жеткіліксіздігінде.
Қолдану тәсілі және дозалары
Емдік мақсатта ересектерге ішке тамақтан кейін тәулігіне 1 рет 1-5 мг (1-5 таб) тағайындайды.
12 жастан үлкен балаларға күнара ½ таблеткадан (0.5 мг).
Жүктілік кезеңінде - 400 мкг/тәулік (½ таб), лактация кезеңінде 300 мкг/тәулік (1/3 таб).
Тәуліктік ең жоғары дозасы 5 мг аспауы тиіс.
Емдеу курсы 20-30 күн.
Жағымсыз әсерлері
- тері бөртпесі
- бронх түйілуі
- эритема
- қызба
- диспепсиялық құбылыстар, іштің ауыруы
- ұйқысыздық, құрысу дайындығы шегінің жоғарылауы
Қолдануға болмайтын жағдайлар
- фолий қышқылына жоғары сезімталдық.
- 12 жасқа дейінгі балаларға
Дәрілермен өзара әрекеттесуі
Анальгетиктермен, эстрогендермен, пероральді контрацептивтермен, құрысуға қарсы препараттармен (фенитоин және карбамазепин), антацидтермен, холестираминмен, сульфаниламидтермен, антибиотиктермен, цитостатиктермен бір уақытта қабылдағанда фолий қышқылының емдік әсері төмендейді.
Фенитоин әсерін азайтады (фенитоин дозасын ұлғайту талап етіледі).
Антацидтер (оның ішінде Са2+, Al3+, Mg2+ препараттары), колестирамин, этил спирті, сульфасалазин және вальпрой қышқылы фолий қышқылының сіңуін төмендетеді.
Метотрексат, пириметамин, триамтерен, триметоприм дигидрофолатредуктазаны тежейді және фолий қышқылының әсерін төмендетеді.
Айрықша нұсқаулар
Фолий қышқылын монотерапия түрінде мегалобласты В12-тапшылықты (пернициозды), нормоцитарлы және апластикалық анемияны, сондай-ақ терапияға рефрактерлі анемияны да емдеуге қолданбайды. Мегалобласты пернициозды (В12 тапшылықты) анемияда фолий қышқылы, гемодинамикалық көрсеткіштерді жақсарта отырып, неврологиялық асқынуларды бүркемелейді. Пернициозды анемия жоқ деп табылмайынша, фолий қышқылын тағайындау ( жүктілік пен лактация кезеңі бұған кірмейді) ұсынылмайды. Қандағы цианокобаламин концентрациясын күрт төмендетуі қаупінен фолий қышқылын ұзақ қолдану (әсіресе жоғары дозаларда) ұсынылмайды.
Емдеу кезінде антацидтерді фолий қышқылын қабылдаған соң 2 сағат өткеннен кейін, колестираминді фолий қышқылын қабылдаудан 4-6 сағат бұрын немесе фолий қышқылын қабылдағаннан 1 саған кейін қолданған жөн.
Антибиотиктер қолдану плазма мен эритроциттердегі фолий қышқылы концентрациясын микробиологиялық бағалаудың нәтижесін бұрмалауына соқтыруы мүмкіндігін ескеру керек.
Жүктілік және лактация кезеңі. Ұрықта жүйке түтіктері ақаулары дамуының алдын алу үшін фолий қышқылын қабылдауды жоспарлы ұрықтанудан 4 апта бұрын бастау керек, және одан кейін 4 аптадан кем емес уақыт бойы жалғастыру керек. Фолий қышқылы ана сүтімен бөлінеді, оның бұл арада бала организміне қандай да бір жағымсыз әсері болмайды және емшектен айыру талап етілмейді.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Фолий қышқылын қабылдау емделушінің автокөлік құралдарын басқаруына немесе басқа да операторлық қызмет ету қабілетіне әсер етпейді. Алайда бұрын құрысу белсенділігі эпизодтары болған адамдарда аталған қызмет түрлерімен айналысу мүмкіндігі туралы шешімді дәрігер-невролог қабылдауы тиіс.
Артық дозалануы
Симптомдары: жүрек айнуы, құсу, асқазан ауыруы, құрысу белсенділігі жоғары эпизодтар. Фолий қышқылының уыттылығы төмен және уытты әсер ету қаупі тек шамадан тыс жоғары дозаларды бір сәтте қолдануда туындайды (300 мг астам).
Емі: препаратты тоқтату, белсенділендірілген көмірмен асқазанды шаю, бүркемелеуші дәрілер тағайындау (диосмектит, крахмал шырышы), демеуші және симптоматикалық ем. Құрысу жай-күйлері дамыған жағдайда – диазепам бұлшықет ішіне немесе көктамыр ішіне 5-10 мг. Арнайы у қайтарғысы жоқ.
Шығарылу түрі және қаптамасы
1мг таблеткалар
Бірінші ашылуына бақылауы бар қақпақпен тығындалған, заттаңбасы бар полимер банкіде 50 таблетка.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Абди Ибрахим Глобал Фарм» ЖШС, Қазақстан
Алматы қ., Жандосов к-сі 184 «г»,
тел. +7 727 309 74 07,
факс +7 727 309 74 14
Тіркеу куәлігінің иесі
«Абди Ибрахим Глобал Фарм» ЖШС, Қазақстан
Алматы қ., Жандосов к-сі 184 «г»,
Телефон нөмірі +7 727 309 74 07
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымныңмекенжайы
«Абди Ибрахим Глобал Фарм» ЖШС, Қазақстан
Алматы қ., Жандосов к-сі 184 «г»,
Телефон нөмірі +7 727 309 74 07
Факс нөмірі +7 727 309 74 14
Электронды поштасыglobalzavod@mail.ru
