Сипаттама
Дәрілік затты медициналық қолдану
жөніндегі нұсқаулық
Эмерон
Саудалық атауы
Эмерон
Халықаралық патенттелмеген атауы
Нимесулид
Дәрілік түрі
Гель 2%, 50 г
Құрамы
100 г гель құрамында
белсенді зат - микрондалған нимесулид 2,00 г,
қосымша заттар: диэтиленгликоль моноэтил эфирі, пропиленгликоль, метилпарагидроксибензоат, пропилпарагидроксибензоат, эдет қышқылы, ПЭГ-8 каприлді және капронды глицеридтер, карбомер, глицерол, сұйық парафин, ПЭГ/ППГ-20/6 диметикон, триэтаноламин, тазартылған су
Сипаттамасы
Сүт тәріздес ақшыл-сары гомогенді гель
Фармакотерапиялық тобы
Тірек-қимыл аппараты ауруларын жергілікті емдеуге арналған препараттар. Жергілікті қолдануға арналған қабынуға қарсы стероидты емес препараттар.
АТХ коды M02AА
Фармакологиялық қасиеттері
Фармакокинетикасы
Нимесулид гелін теріге жаққанда, препаратты пероральді қабылдағанда қол жетімді концентрациясымен салыстырғанда препараттың қан плазмасындағы концентрация деңгейі өте төмен. 200 мг нимесулидті гель түрінде бір рет қолданғаннан кейін, 24 сағаттан соң қан плазмасындағы концентрациясының ең жоғары тіркелген деңгейі 9.77 нг/мл құрайды.Тұрақталған жағдайда (8 күн) плазмадағы шыңдық концентрациясы жоғарылайды (37.25 ± 13.25 нг/мл), бірақ оральді дозаларды қайталап қабылдау нәтижесінде қол жеткен концентрациялардан 100 есе төмен.
Фармакодинамикасы
Эмерон гель сыртқа қолдануға арналған қабынуға қарсы стероидты емес препарат (ҚҚСП) болып табылады. Қабынуға қарсы, ауыруды басатын және орташа ыстықты түсіретін қасиеті бар. Әсер ету механизмі: циклооксигеназаны бәсеңдетіп арахидон қышқылының метаболизміне әсер етеді, қабынуда ауыру мен ісінудің түзілуіне қатысатын қабыну ошағындағы простагландиндер мөлшерін азайтады.
Қолданылуы
- байламдардың созылуымен және жедел жарақаттық тендинитпен байланыстыауыру синдромында
Қолдану тәсілі және дозалары
Ересектер
Препарат тек сыртқа қолдануға арналған.
Гельді ауырған жерге жұқа қабат етіп жағып, толық сіңгенге дейін уқалау керек, қолдану жиілігі күніне 2-3 рет.
Емдеу ұзақтығы 7-15 күн. Гельді қарқынды ысқылауға немесе оны окклюзиялық таңғыш астына жағуға болмайды. Қысып тұратын киім киюге болмайды. Емшараға дейін және кейін қолды жуу керек.
18 жасқа дейінгі балаларға препараттың қауіпсіздігі мен тиімділігі анықталмаған.
Жағымсыз әсерлері
- терінің тітіркенуі, эритема, тері бөртпесі, түлеу, гель жағылған жердеқышыну, тері түсінің транзиторлы өзгеруі.
- қыжыл, жүрек айнуы, құсу, диарея, гастралгия, асқазан-ішек жолы шырышының ойық жаралануы
- ісіну синдромы
- тромбоцитопения, лейкопения, анемия, қан кету уақытының ұзаруы
- бауыр трансаминазалары белсенділігінің жоғарылауы, гепатит
- гематурия
- тері бөртпесі, ангионевроздық ісіну, анафилаксиялық шок
- тыныс алудың бұзылуы (бронх демікпесі бар пациенттер)
Терінің ауқымды жеріне жаққанда, болуы мүмкін:
Қандай да бір жағымсыз реакциялар байқалғанда препарат қабылдауды тоқтатып, дәрігерге қаралу керек.
Қолдануға болмайтын жағдайлар
- препарат компоненттеріне белгілі жоғары сезімталдық
- ацетилсалицил қышқылына немесе басқа да қабынуға қарсы стероидты емес препараттарға (анамнезінде) аллергиялық реакциялар (бронх түйілуі, ринит, есекжем)
- ашық жараларға немесе оқшауланған инфекция кезінде гельді қолдану
- сыртқа қолдануға арналған басқа дәрілік препараттармен бір мезгілде қолдану
- 18 жасқа дейінгі балалар және жасөспірімдер
- жүктілік және лактация кезеңі
Дәрілермен өзара әрекеттесуі
Эмерон гелін сыртқа қолданған кезде басқа дәрілік препараттармен мәнді өзара әрекеттесуі байқалмаған.
Айрықша нұсқаулар
Ашық жараларға немесе тері тұтастығы бұзылғанда Эмерон гелін жағуға болмайды. Препаратты көзге, ауыз қуысының шырышты қабығына, мұрынға, генитальді және анальді аймаққа түсірмеуге тырысу керек (байқаусызда жанасқан жағдайда тез арада сумен шаю керек). Препаратты ішке қолданбау керек. Жаққаннан кейін қолды жуу керек.
Гельді жаққаннан кейін окклюзиялық таңғыш қоюға болмайды. Жағымсыз реакциялар қаупі қысқа мерзім ішінде аз дозада жаққанда төмендеуі мүмкін. Асқазан-ішек жолынан қан кетуі, белсенді немесе ойық жара ауруына күдіктенгенде, бауыр және бүйрек жеткіліксіздігінің ауыр түріндегі, қан ұюының бұзылуы ауыр науқастарға немесе жүрек жеткіліксіздігі ауыр/бақыланбайтын пациенттерге препаратты абайлап тағайындау керек. Құрамында ҚҚСП бар сыртқа қолдануға арналған препаратты қолданғанда күйдіріп ашыту және сирек жағдайларда фотодерматит пайда болуы мүмкін, сондықтан Эмерон гелін қолданғанда сақ болу керек. Фото сезімталдық реакцияларын болдырмау үшін препаратты қолдану кезеңінде тікелей күн сәулесінің түсуінен және солярийге барудан аулақ болу керек. Оң динамика болмаған жағдайда немесе хал-жағдай нашарласа, емдеуді тоқтатып, дәрігерге қаралу керек.
Эмерон гелін басқа да ҚҚСП сезімталдығы жоғары пациенттерге қолдануға болмайды.
Гель құрамында метилпарагидроксибензоат, пропилпарагидроксибензоат консерванттары бар, ол аллергиялық реакцияны болдыруы (баяулатылған тип болуы) және пропиленгликоль, ол терінің тітіркенуін туындатуы мүмкін.
18 жасқа дейінгі балаларда препараттың қауіпсіздігі мен тиімділігі анықталмаған.
Жүктілік және лактация кезеңі
Жүктілік және бала емізу кезеңінде препаратты қолдану тәжірибесі жоқ.
Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері
Зерттелмеген.
Артық дозалануы
Препарат сыртқа қолдануға арналғандықтан, оны дұрыс қолданғанда жүйелі сіңу және артық дозалану мүмкіндігі өте аз.
Шығарылу түрі және қаптамасы
Бұрандалы пластик қақпақшасы бар алюминий сықпада препарат 50 г-ден.
1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
25 0С-ден аспайтын температурада сақтау керек. Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды
Дәріханалардан босатылу шарттары
Рецептісіз
Өндіруші ұйымның атауы және елі
REPLEK FARM Ltd. Skopje, Скопье, Македония Республикасы
Тіркеу куәлігі иесінің атауы және елі
VEGAPHARM LLP., Лондон, Ұлыбритания
Қаптаушы ұйымның атауы және елі
REPLEK FARM Ltd. Skopje, Скопье, Македония Республикасы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Cepheus Medical» (Цефей Медикал) ЖШС: 050000, Қазақстан Республикасы, Алматы қ,, Панфилов к-сі 98, «OLD SQUARE» БО, 807 кеңсе, телефон: +7 (727) 300 69 71
эл. пошта: cepheusmedical@gmail.com
