Экзодерил 20 мл раствор

Сипаттама

Дәрілік затты медициналық қолдану

жөніндегі нұсқаулық

Экзодерил®

Саудалық атауы

Экзодерил®

Халықаралық патенттелмеген атауы

Нафтифин

Дәрілік түрі

Сыртқа қолдануға арналған 1% ерітінді

Құрамы

1 мл ерітіндінің құрамында

белсенді зат - 0.01 г нафтифин гидрохлориді;

қосымша заттар: пропиленгликоль, этанол 96%, тазартылған су.

Сипаттамасы

Мөлдір, этанол иісі бар, түссізден сәл сарғыштау түске дейінгі сұйықтық.

Фармакотерапиялық тобы

Тері ауруларын емдеуге арналған зеңге қарсы препараттар.

Жергілікті қолдануға арналған зеңге қарсы басқа да препараттар.

Нафтифин.

АТХ коды D01AЕ22

Фармакологиялық қасиеттері

Фармакокинетикасы

Экзодерил ерітіндісі теріге мүйізгек қабат арқылы (трансдермальді жол) сіңеді және терінің әртүрлі қабаттары мен тырнақ пластиналарында микозға қарсы концентрацияларда ұзақ мерзім бола отырып, тырнақтың барлық қабаттарына жақсы өтеді. Зерттеу Экзодерил ерітіндісін бір рет жергілікті қолданғаннан кейін тырнақ пластинасындағы концентрациясы 2 күн ішінде трихофиттерге арналған ең кіші тежелетін концентрациядан 3-5 есе асып түскен.

Препарат жүйелі қан ағымына түспейді.

Фармакодинамикасы

Экзодерил ерітіндісі сыртқа қолдануға арналған зеңге қарсы аллиламин препараты. Нафтифин оның белсенді ингредиенті болып табылады.

Нафтифин ашытқы зеңдеріне (Candida түрі, Pityriasis versicolor), өңезді зеңдерге (Aspergillus түрі) және басқа да зеңдерге (мысалы, Sporothrix Schenckii) қатысты белсенділікке иеленген.

Дерматофиттерге және Aspergillus зеңіне қатысты іn vіtro жағдайында нафтифин фунгицидті әсер етеді. Препараттың ашытқы зеңдеріне қатысты микроорганизмдер штаммдарына байланысты фунгицидтік және фунгистатикалық әсері байқалады.

Әсер ету механизмі: нафтифин, скваленэпоксидаза ферментін бәсеңдете отырып, зең жасушасының өсуіне қажетті эргостерол синтезін тежейді, соның нәтижесінде фунгистатикалық әсері байқалады. Одан басқа скваленэпоксидазаны бәсеңдету зең жасушасының жарғақшаларында сквален жинақталуы мен оның қабырғасының зақымдануына әкеп соқтырады, соның нәтижесінде фунгицидті әсер байқалады.

Нафтифин зеңдерге қарсы әсер етіп қана қоймай, сонымен бірге: алтын стафилококк, көк іріңді таяқша, ішек таяқшасы, протей сияқты зең зақымдануларымен бірге жиі кездесетін грамоң және грамтеріс патогенді микроорганизмдердің бірқатарына қатысты бактерияға қарсы белсенділігі бар.

Клиникалық жағдайларда нафтифиннің қабыну симптомдары, әсіресе қышынудың тез тыйылуына жәрдемдесетін қабынуға қарсы әсері бар екені анықталды.

Қолданылуы

тері мен тері қатпарларының зеңдік инфекцияларында

қол ұшының және табанның саусақаралық микоздарда

қол мен аяқ тырнақтарының зеңдік инфекцияларында (онихомикоздар)

Candida туындатқан тері кандидозында

Pityriasis versicolor қоздырғышы туындатқан кебек тәрізді теміреткіде

қабыну дерматомикоздары (қышынумен қатар немесе онсыз жүретін)

Қолдану тәсілі

Қалпақшада орналасқан арнайы тамшылатқыштың немесе мақта тампонның көмегімен 2-3 тамшы ерітіндіні жағу қажет. Ерітінді тек терінің/тырнақтың зақымданған жерлеріне ғана емес, инфекцияның таралуын болдырмас үшін шектелетін бөліктеріне де жағу керек.

Терінің зеңдік инфекциялары

Ерітіндіні алдында тазалануы және мұқият құрғатылуы тиіс терінің зақымданған бөліктеріне күніне 1 рет жағады.

Емдеу ұзақтығы:

- тері мен тері қатпарларының зеңдік инфекцияларында – 4 аптаға дейін,

- қол ұшының және табанның саусақаралық микоздарында – 4-тен 8 аптаға дейін,

- тері кандидозында – 4 апта,

- кебек тәрізді теміреткіде – 2 аптаға дейін

- қабыну дерматомикоздарында – 2-4 апта,

Клиникалық әсері, атап айтқанда қышынуы мен ашытуы жоғала бастаған соң, қайтадан жұқтырудан сақтану үшін емдеуді кем дегенде 2 апта бойы жалғастыру керек.

Қол мен аяқ тырнақтарының зеңдік инфекцияларында (онихомикоздар)

Ерітіндіні алдында тазалануы, мұқият құрғатылуы және барынша қырқылуы тиіс тырнақ пластинасының зақымданған беткейіне күніне 2 рет жағады. Емдеу ұзақтығы тырнақ пластинасының өсу жылдамдығына қарай анықталады және тырнақ жаңадан өсіп шыққанша 3-тен 6 айға дейінді құрауы мүмкін.

Экзодерил® ерітіндісін ауа өткізетін таңғыштың (бұласыр, бинт және т.б.) астына қолдануға болады, бірақ окклюзиялық таңғыш астына қолдануға болмайды.

Жағымсыз әсерлері

Жекелеген жағдайларда терінің құрғауы, қызаруы және күйдіруі сияқты жергілікті қабыну белгілері байқалуы мүмкін. Жағымсыз әсер етуі қайтымды сипатта болуы және емдеуді тоқтатуды талап етпейді.

Қолдануға болмайтын жағдайлар

нафтифинге немесе пропиленгликольге немесе кез келген қосымша заттарға аса жоғары сезімталдық

ашық жаралар беткейі

Дәрілермен өзара әрекеттесуі

Анықталмаған

Айрықша нұсқаулар

Экзодерил ерітіндісі теріге және тырнаққа тек қана сыртқа қолдануға арналған. Оны офтальмологиялық тәжірибеде қолдануға, сондай-ақ ашық жараларға жағуға болмайды. Соңғы жағдайда этанолы жоқ крем түріндегі Экзодерилді қолдану керек.

Зеңдік инфекцияны (микозды) кетіру үшін келесі сақтану шаралары ұстанылады:

1. Зеңдер терінің/тырнақтың зақымданған аумағымен жанасатын киімге және/немесе шұлыққа түсуі мүмкін, сондықтан киімді және/немесе шұлықты күнде ауыстырып отыру керек.

2. Терінің/тырнақтың зақымданған беткейін құрғақ күйде ұстау зеңдік инфекцияның таралуынан жақсы қорғайды. Зақымданған жерді желдетілуін шектейтін немесе кедергі болатын тығыз матамен немесе заттармен (мысалы, синтетикалық талшықтан жасалған шұлық, тар аяқ киім) жауып тастамаған жөн. Жуғаннан кейін терінің/тырнақтың зақымданған аумағын жақсылап құрғату керек. Сондай-ақ зақымданған аумақпен жанасатын сүлгіні, киімді немесе/және шұлықты күн сайын ауыстырып отырған жөн.

3. Табанның зеңдік аурулары жағдайында қайтадан жұқтыруды немесе патогенді қоздырғыштардың таралуын болдырмас үшін үйде немесе қоғамдық орындарда жалаңаяқ жүрмеген дұрыс.

4. Сауна немесе булы моншаларға зеңдік инфекциялардан толық айыққаннан кейін ғана баруға болады.

Балалар жасында

Экзодерил ерітіндісін 18 жасқа дейінгі балаларға сақтықпен және тек аса қажеттілік жағдайында ғана қолдану керек.

Жүктілік және лактация

Дұрыс қолданылған жағдайда препараттың шаранаға немесе жаңа туған балаға әсер ету мүмкіндігі аз.

Препараттың көлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Анықталмаған

Шығарылу түрі және қаптамасы

10 немесе 20 мл препараттан полиэтилен тамшылатқышы мен алғашқы ашылуы бақыланатын ақ түсті бұрандалы полиэтилен қақпағы бар күңгірт шыны құтыға құйылған.

1 құтыдан қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

30 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Құтыны бірінші рет ашқаннан кейін 25 °C-ден аспайтын температурада, 6 айдан асырмай сақтау керек.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші/Қаптаушы

Глобофарм Фармацойтише Продуктьонс унд Хандельсгезельшафт м.б.Х., Австрия

Breitenfurter Strasse, 251, 1230, Wien, Austria

Тіркеу куәлігінің иесі

Сандоз ГмбХ, Австрия

Biochemiestraße 10 6250 Kundl, Austria

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Сандоз Фармасьютикалс д.д.» акционерлік қоғамының Қазақстан Республикасындағы өкілдігі

Мекен жайы: Қазақстан Республикасы, Алматы қ., 050000, Құрманғазы к-сі 95

Телефон: +7(727) 258 24 47,

Факс: +7 (727) 244 26 51

e-mail: drugsafety.cis@novartis.com

Қалалар