Сипаттама
Дәрілік затты медициналық қолдану жөніндегі нұсқаулық
ДИАЗОЛИН
Саудалық атауы
Диазолин
Халықаралық патенттелмеген атауы
Мебгидролин
Дәрілік түрі
Таблеткалар 0,1 г
Құрамы
1 таблетканың құрамында
белсенді зат: 100 % затқа шаққанда мебгидролин – 0,1 г;
қосымша заттар: лактоза моногидраты, картоп крахмалы, повидон, сахароза, кальций стеараты.
Сипаттамасы
Дөңгелек пішінді, тегіс беткейлі, сызығы және ойығы бар, ақ немесе ақ дерлік түсті таблеткалар.
Фармакотерапиялық тобы
Респираторлық жүйе ауруларын емдеуге арналған препараттар. Жүйелі қолдануға арналған антигистаминдік препараттар. Жүйелі әсер ететін антигистаминдік басқа препараттар.
Мебгидролин.
АТХ коды R06AX15
Фармакологиялық қасиеттері
Фармакокинетикасы
Ас қорыту жолынан жылдам сіңеді. Биожетімділігі 40-60% шамасында ауытқып тұрады. Емдік әсері 15-30 минут өткен соң дамиды, ең жоғары әсері 1-2 сағаттан кейін байқалады. Әсер ету ұзақтығы 2 тәулікке дейін жетуі мүмкін. Препарат гематоэнцефалдық бөгет арқылы мүлдем дерлік өтпейді, метилдену жолымен бауырда метаболизденеді, бауырдың ферменттеріниндукциялайды, организмнен бүйрекпен шығарылады.
Фармакодинамикасы
Мебгидролин антигистаминді препараттарға жатады, гистаминнің Н1- рецепторларының бөгегіші болып табылады. Мебгидролин бронх, ішек тегіс бұлшықеттеріне қатысты гистаминнің спазмогенді әсері, сондай-ақ оның тамырлар өткізгіштігіне әсері бар. Бірінші буынның антигистаминді препараттарынан айырмашылығы тыныштандыратын және ұйықтататын әсерінің айқындылығы аздау. Әлсіз білінетін м-холин бөгегіштік және жансыздандырғыш қасиеттері бар.
Қолданылуы
- маусымдық және аллергиялық риниттің профилактикасы және емдеуде
- поллинозда
- есекжемде
- тағамға және дәріге аллергияда
- терінің қышынуымен қатар жүретін дерматоздарда (экзема, нейродермит)
Қолдану тәсілі және дозалары
Диазолин тамақтанудан кейін, ішке тағайындалады.
Ересектер және 12 жастан асқан балаларға - 100-200 мг-дентәулігіне 1-2 рет.
Ересектер үшін ең жоғары дозасы: бір реттік - 300 мг, тәуліктік - 600 мг.
6-12 жастағы балаларға - 50 мг-дентәулігіне 1-3 рет.
Емдеу ұзақтығын дәрігер аурудың сипатына, клиникалық әсеріне және препараттың жағымдылығына қарай белгілейді.
Жағымсыз әсерлері
Препаратқа жағымсыз реакциялар олардың даму жиілігіне сәйкес мынадай түрде жіктелген: өте жиі (≥1/10), жиі (≥1/100, <1/10), жиі емес (≥1/1000, <1/100), сирек (≥1/10000, <1/1000) және өте сирек (<1/10000); белгісіз (құбылыстардың туындау жиілігін қолда бар деректер негізінде анықтау мүмкін емес).
Ас қорыту жүйесі тарапынан:
белгісіз – диазолин асқазан-ішек жолы шырышты қабығын тітіркендіруі мүмкін, бұл кейде диспепсиялық құбылыстармен (қыжыл, жүрек айну, эпигастральді аймақтың ауыруы) байқалады.
Жүйке жүйесі тарапынан:
белгісіз – бас айналу, парестезиялар, қатты шаршағыштық, ұйқышылдық, анық көрмеу, реакция жылдамдығының баяулауы, тремор, үрейлену (түнде), ашушаңдық.
Басқалары:
белгісіз – ауыздың құрғауы, несеп шығарудың бұзылуы, аллергиялық реакциялар. Өте сирек гранулоцитопения және агранулоцитоз туындауы мүмкін.
Балаларда кейде парадоксальді реакциялар байқалады: жоғары қозғыштық, тремор, ұйқының бұзылуы.
Тіркеуден кейінгі кезеңде бірлі-жарым жағдайларда мынадай жағымсыз реакциялар байқалған: бас ауыру, қышыну, бөрту, есекжем, Квинке ісінуі.
Қолдануға болмайтын жағдайлар
- препарат компоненттеріне аса жоғары сезімталдық
- өршу кезеңіндегі асқазан мен он екі елі ішек ойық-жара ауруы
- асқазан-ішек жолының қабыну аурулары
- пилоростеноз
- қуық асты безі гиперплазиясы
- жабық бұрышты глаукома
- эпилепсия
- жүрек ырғағының бұзылуы (ваголитикалық әсері бола тұрып, AV-өткізгіштігін жақсартуы және қарыншаүстілік аритмия дамуына ықпал етуі мүмкін)
- жүктілік және лактация кезеңі
- 6 жасқа дейінгі балалар
- тұқым қуалайтын фруктоза жақпаушылығы, Lapp-лактаза ферменті тапшылығы, глюкоза-галактоза мальабсорбциясы бар адамдар.
Дәрілермен өзара әрекеттесуі
Диазолин ұйықтататын, тыныштандыратын және орталық жүйке жүйесін басатын, басқа да препараттардың, сондай-ақ алкогольдің әсерін күшейтеді.
Айрықша нұсқаулар
Диазолинді бауыр және/немесе бүйректің ауыр жеткіліксіздігі кезінде сақтықпен тағайындалады (дозаны түзетілуі және қабылдау арасындағы аралықтардың ұзартылуы мүмкін).
Диазолинмен емдеу кезінде алкоголь ішімдіктерін қабылдауға болмайды.
Препарат құрамында лактоза бар, сондықтан галактоза жақпаушылығының сирек тұқым қуалайтын түрлерімен, лактаза жеткіліксіздігі немесе глюкоза-галактоза мальабсорбциясы синдромы бар пациенттерге қолдануға болмайды.
Егер Сізде кейбір қанттарға жақпаушылық анықталса, осы препаратты қабылдаудан бұрын дәрігермен кеңесіңіз.
Педиатрияда қолдану
Препаратты 6 жастан асқан балаларға қолдану керек.
Жүктілік және лактация кезеңінде қолдану
Жүктілік және бала емізу кезеңінде препаратты қодануға болмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратты қолданғанда зейін қоюды қажет ететін автокөлік жүргізу және басқа да қауіптілігі зор қызмет түрлерімен айналыспаған дұрыс.
Артық дозалануы
Препаратпен артық дозаланған кезде тиісті бөлімде сипатталғандай жағымсыз әсерлердің туындау қаупі артады. Бұл жағдайда препаратты тоқтату керек, қажет болған жағдайда жалпы уытсыздандыру емшаралары жүргізіледі (асқазанды шаю, қарқынды диурез), симптоматикалық ем.
Шығарылу түрі және қаптамасы
10 таблеткадан түссіз немесе жарықтан қорғайтын түрлі-түсті поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.
1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
Түпнұсқалық қаптамасында, 25 ºС-ден аспайтын температурада.
Балалардың қолы жетпейтін жерде сақтау керек.
Сақтау мерзімі
3 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Фармак» ЖАҚ, Украина, 04080, Киев қ., Фрунзе к-сі, 74.
Тіркеу куәлігінің ұстаушысы
«Фармак» ЖАҚ, Украина
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«Фармак» ЖАҚ Қазақстан Республикасындағы өкілдігі
Қазақстан Республикасы, Алматы қ., 050012, Амангелді к-сі, 59 "А", "Шартас" бизнес орталығы, 9 қабат. Тел./факс: +7 (727) 273 63 73
Электрондық пошта: а.aspetova@farmak.kz
