Тауарлардың көрінісі фотосуретте көрсетілгеннен өзгеше болуы мүмкін

Декстанол 12,5 мг/1 гр 60г гель

1882
Қолжетімділігі
Сатылымда бар
Үлгі
4870004333130
Елі
Казахстан
Өндіруші
Нобел АФФ
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

ДЕКСТАНОЛ

Саудалық атауы

ДЕКСТАНОЛ

Халықаралық патенттелмеген атауы

Декскетопрофен

Дәрілік түрі

Гель 12.5 мг/1 г

Құрамы

1 грамм препараттың құрамында

белсенді зат – (12.5 мг декскетопрофенге баламалы) 18.50 мг декскетопрофен трометамол бар,

қосымша заттар: карбопол 974 Р, диэтиленгликоль моноэтил, полиэтиленгликоль 8000 Р, лаванда хош иістендіргіші, 96 % этил спирті, тазартылған су

Сипаттамасы

Лаванда иісі бар мөлдір гель

Фармакотерапиялық тобы

Сүйек-бұлшықет жүйесі ауруларын емдеуге арналған препараттар. Қабынуға қарсы және ревматизмге қарсы препараттар. Қабынуға қарсы стероидты емес препараттар. Пропион қышқылы туындылары. Декскетопрофен.

АТХ коды М02АA27

Фармакологиялық қасиеттері

Фармакокинетикасы

Жергілікті қолданғанда баяу сіңеді, іс жүзінде жинақталмайды. Гельдің биожетімділігі 5 %-ға жуық. 50-150 мг дозада қолданғаннан кейін плазмадағы концентрациясы 5-8 сағаттан кейін 0,08 – 0,15 мкг/мл құрайды. Глюкурон қышқылымен конъюгациялану арқылы метаболизденеді. Белсенді метаболиттер түзілмейді.

Фармакодинамикасы

Декскетопрофен қабынуға қарсы стероидты емес, ыстықты түсіретін және ауырғанды басатын дәрілік заттар тобына жатады. Декскетопрофеннің негізгі әсер ету механизмі простагландиндер синтезін реттейтін циклооксигеназа 1 және 2 белсенділігін басумен байланысты. Атап айтқанда, арахидон қышқылының PGE1, PGE2, PGF2а, PGD2 простогландиндері, сондай-ақ простациклинPGI2 және тромбоксандар ТхА2 және ТхВ2 түзілетін PGG2 және PGH2 циклдық эндопероксидтерге қайта түзілуін тежейді.Буын синдромы кезінде препаратты пайдалану тыныш күйде және қозғалыс кезінде ауырғанды азайтуға, таңертеңгі сіресуді, буындар домбығуын азайтуға мүмкіндік береді. ДЕКСТАНОЛ препаратының артықшылығы оның тері арқылы жеңіл өтуі мен қаңқа бұлшықеттеріне кедергісіз әсер етуінде. Гель жергілікті қолданғанда өңделген аумақтағы ауыру мен ісінуді азайтады. Осылайша қабынуға қарсы стероидты емес дәрілерді ішке қабылдау кезінде байқалатын өзіне тән емес жағымсыз әсерлерсіз қаңқа бұлшықеттерінің өршу ауыруларын жеңілдетеді. Қолданылған орында, тері сезімтал болса да, өте жақсы көтере алуымен ерекшеленеді.

Қолданылуы

Шығу тегі ревматизмдік немесе жарақаттық бұлшықет, сүйек немесе буынның ауыруын жергілікті емдеуде: мысалы, соғылулар, байламдардың созылуы, бұлшықеттің созылуы, бұлшықет пен мойынның сіресуі, люмбаго.

Қолдану тәсілі және дозалары

Сыртқа. Ұзындығы 4-5 см гель жолағын дененің қабынған және ауыратын жерлеріне тәулігіне 2-3 рет жеңіл уқалай отырып жағу керек. Емдеу ұзақтығын дәрігер белгілейді.

Жағымсыз әсерлері

ДЕКСТАНОЛ ацетилсалицил қышқылы және басқа да ҚҚСП демікпе, ринит немесе аллергиялық бөртпе туындатуы мүмкін пациенттерге ұсынылмайды.

Кейде (0,1 %-дан 1 % дейін) -эритема, қышыну, экзема

Сирек (0,01 %-дан 0,1 % дейін) - фотосенсибилизация реакциялары, буллезді дерматит, есекжем

Өте сирек (0,01 % аз), жекелеген жағдайларды қоса: -анафилаксиялық реакциялар, аса жоғары сезімталдық реакциялары

-пептидтік ойық жара, асқазан-ішектен қан кету, диарея

-жанаспалы дерматит, күйдіру сезіну, ангионевроздық ісіну

-бүйрек дисфункциясы немесе бүйрек жеткіліксіздігінің ушығуы

Препаратты жаққан бөлік шегінен шығып кету салдарынан болатынжергілікті тері реакциялары туралы хабарланған. Сирек құбылыстарға, буллезді немесе фликтенулезді экзема сияқты жайылуға қабілетті және жайылған сипатта болатын анағұрлым айқын реакциялар жағдайлары жатады. Қабынуға қарсы препараттардың басқа жағымсыз әсерлері (аса жоғары сезімталдық, асқазан-ішек жолы және бүйрек тарапынан бұзылулар) әсер етуші компоненттің тері арқылы өтетін қабілетіне және осыған орай, жағылған гельдің шамасына, өңделген беткейдің ауданына, тері жабындарының бүтіндігіне, емдеудің ұзақтығы және окклюзиялық таңғышты қолдануға байланысты болады. Қабынуға қарсы стероидты емес дәрілерге жағымсыз реакциялар туындауына көбіне егде пациенттер бейім. Мұндай жағдайларда препаратпен емдеуді тоқтатқан жөн.

Қолдануға болмайтын жағдайлар

  • декскетопрофенге немесе препараттың кез келген қосымша заттарына аса жоғары сезімталдық
  • суланатын дерматоздар, экзема
  • инфекция жұқтырған сыдырулар
  • ашық жаралар, көз, шырышты қабықтар (ауыз, мұрын, гениталий)
  • жүктілік және лактация кезеңі

- анамнездегі кез келген фотосенсибилизация реакциялары

- аса жоғары сезімталдықтың белгілі реакциялары, мысалы, демікпе симптомдары, аллергиялық ринит, есекжем немесе кетопрофен, фенофибрат, тиапрофен қышқылы, ацетилсалицил қышқылы немесе басқа қабынуға қарсы стероидты емес дәрілерді (ҚҚСД), парфюмер өнімдерін қолданғанда туындаған тері аллергиясының білінуі

- күн сәулесінің (жарығы шашыраңқы болса да) немесе солярийдегі УФ-сәулеленуді гельмен емдеу кезінде және оны тоқтатқаннан кейінгі 2 апта бойы

Дәрілермен өзара әрекеттесуі:

Декскетопрофенді гель түрінде сыртқа қолданған кезде дәрілік және басқа да өзара әрекеттесулері анықталмаған. Дегенмен, кумарин препараттарын қабылдайтын пациенттерді мұқият бақылау ұсынылады, өйткені ҚҚСД пероральді антикоагулянттармен бірге қолданғанда гипопротромбиндік әсері мен қан кету қаупін күшейтуі мүмкін.

Айрықша нұсқаулар

Ашық жаралар мен қабынған теріге жағуға болмайды!

Көзге (конъюктива тітіркенуінің қаупі бар) және шырышты қабықтарға тигізбеуге тырысу керек. Гельді жүрек, бауыр немесе бүйрек жеткіліксіздігі бар пациенттерге сақтықпен қолданған жөн. Бүйрек зақымдануымен байланысты жүйелі жағымсыз әсерлерінің бірлі-жарым жағдайлары туралы хабарланған. Ауыр бүйрек жеткіліксіздігі бар пациенттерге құрамында декскетопрофен бар гельді сақтықпен қолдану керек. Препараттың көп мөлшерін жергілікті қолдану, мысалы, аса жоғары сезімталдық немесе демікпе сияқты жүйелік әсерлеріне әкелуі мүмкін. Егер бөртпе пайда болса, емдеу тоқтатылуы тиіс. Уақыт өтуімен жанаспалы дерматит және фотосенсибилизация реакцияларының даму қаупі артатын болғандықтан, ұсынылған емдеу ұзақтығынан асырмау керек.

Сонымен қатар, сақтанудың мынадай шараларын ұстанған дұрыс:

•препаратты әрбір қолданудан кейін қолды мұқият жуу керек

•гельмен емдеудіқандай болсын, оның ішінде құрамында октокрилен бар өнімдерді қатар қолданумен байланысты тері реакциялары дамуында дереу тоқтату керек,

•фотосенсибилизацияның дамуын болдырмас үшін – емдеу кезінде және оны тоқтатқаннан кейін екі апта ішінде препарат жағатын аймақтарды киіммен қорғау ұсынылады

• окклюзиялық (ауа өткізбейтін) таңғыш тағумен бірге гельді қолданбаған жөн

•зақымдану белгілері, мысалы, экзема, акне, инфекциялық процесс немесе ашық жаралары бар тері бөліктеріне гельді қолданбаған жөн

Балаларға қолдану. Декскетопрофен гелін балаларға пайдаланудың қауіпсіздігі мен тиімділігі анықталмаған.

Жүктілік және лактация кезеңі. Декскетопрофен гелін жүкті әйелдерге пайдаланудың қауіпсіздігі мен тиімділігіне зерттеу жүргізілмеген, сондықтан жүктілік кезінде қолданбаған жөн.

Простагландиндер синтезінің барлық тежегіштері шаранадакардиопульмональді жүйе мен бүйректің уытты зақымдануын туындататады.Жүктіліктің соңында анада да, балада да қан кету уақыты артуы мүмкін. Декскетопрофеннің ана сүтіне өтуі туралы деректер жоқ. Декскетопрофен бала емізетін аналарға қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Зейін қоюға, қозғалыс белсендігі мен рефлекстерге жағымсыз әсерлері жөнінде деректер жоқ.

Артық дозалануы

Жергілікті қолданылатындықтан, сондай-ақ препарат белсенді компоненттерінің сыртқа қолданғанда жүйелі сіңірілуі өте төмен болуы іс жүзінде артық дозалану ықтималдығын жоққа шығарады.

Шығарылу түрі және қаптамасы

60 г препараттан пластмасса қалпақшасы бар алюминий сықпаға салынады.

1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/ Тіркеу куәлігінің иесі

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электрондық пошта nobel@nobel.kz

Дәріханалар

Тауар артығымен бар
Тауар аз қалды
Аптека №218
ул.Айтеке би 61
09:00-22:00